බොහෝ මවුවරු ගර්භනී සමයේදී කොන්ද කැක්කුම පිලිබදව මැසිවිලි නගනවා. ගර්භානිභාවයට බලපාන ප්‍රධාන හෝමෝනය වන ප්‍රොජෙස්ටරෝන් හෝමෝනය වැඩිපුර ස්‍රාවය වීම මගින් ඔබේ සන්ධි, බන්ධනී හා මාංශ පේශිවල ලිහිල් වීමට හා ඇදීම සදහා උපකාරීවේ. මෙමගින් දරුවාගේ වර්ධනයට ඉඩකඩ සැපයීමත් දරු ප්‍රසුතිය සදහා ඔබව සුදානම් කිරීමත් සිදුකරයි. එමෙන්ම මෙම කාලයේදී ඔබේ අමතර බර වැඩිවීමක් සිදුවේ. අමතරව බරක් දරාගැනීමට සිදුවීම නිසා ඔබේ ඉරියව්වේ වෙනසක් ඇතිවේ. මෙම වෙනස්කම් ඔබේ කොන්දට හා ශ්‍රෝණි සන්ධි වලට අධික ලෙස බලපායි. එය කොන්දේ කැක්කුම ඇතිවීමට හේතුවේ. ඔබ ගැබ් ගැනීමට පෙර සිටම තරබාරු නම්, වයස අවුරුදු 35ට වැඩිනම් දෙවැනි හෝ තුන්වැනි දරුඋපත සිදුකිරීමට බලාපොරොත්තු වේ නම් මෙම තත්වය බොහෝ දුරට ඇතිවිය හැකිය.

කොන්දේ කැක්කුම පාලනය කිරීම

ගර්භනී කාලය තුල පහත සදහන් දේ පිළිබද දැනුවත් වීමෙන් හා ඒවා ක්‍රියාවට නැංවීම මගින් කොන්දේ කැක්කුම අවම කරගත හැකිය.

• දීර්ඝ වේලාවක් සිටගෙන සිටීමෙන් වලකින්න : දිගුවේලාවක් සිටගෙන සිටීමෙන් මාංශ පේශි හා බන්ධනී වෙහෙසට පත්වීම නිසා කොන්දේ කැක්කුම ඇතිවේ. එම නිසා ගෙදර දොර වැඩ සිදු කිරීමේදී දිගු වේලාවක් සිටගෙන සිටීමෙන් වලකින්න. එමෙන්ම සිටගෙන සිටින විට විවේකයක් ලබාගන්න.
• සිටගෙන සිටීමේදී නිවැරදි ඉරියව් පවත්වා ගන්න : කෙලින් සිටගන්න. ඉදිරියට නැමී හෝ කුදු වී සිටීමෙන් වලකින්න.
• ඉදගැනීමේදී කොන්ද කෙලින් සිටින ලෙස පහසුවෙන් ඉදගන්න : විශේෂයෙන් ඔබ වැඩ කිරීමේදී පහසු පුටුවක් භාවිතා කරන්න. පරිඝනකය සමග ඔබ වැඩ කරන්නේනම් තිරය හා කී බෝඩ් එක ඔබට ඉදිරියට නැවීමට අවශ්‍ය නොවන ලෙස පහසුවෙන් තබා ගන්න.
• බරක් ඉසිලිමේදී නිවැරදි ඉරියව් භාවිතා කරන්න : කොන්ද කෙලින් තබා දණහිස් වලින් නැවීම බරක් ඉසිලිමේදී යොදා ගන්න.
• ඉතා අධික බරක් ඉසිලීමෙන් වලකින්න. ඒ සදහා උදව් ලබාගන්න.
• පැත්තකට හැරීමේදී කශේරුකාව හැරවීම නොකරන්න. එහිදී සම්පුර්ණ ඇගම හැරවීම සිදු කරන්න.
• බර එක සමානව බෙදා හරින්න. ගෙදරට අවශ්‍ය බඩු රැගෙන ඒමේදී අත් දෙකටම ඒවායේ බර බෙදෙන පරිදි අල්ලා රැගෙන එන්න.
• හොද”බ්‍රේසියර” සදහා මුදල් යොදවන්න. පියයුරු වලට හොදින් උපකාර කරන කප් සහිත පටි මහත බ්‍රේසියර එකක් ඇඳීමට සැලකිලිමත් වන්න. එමගින් ඔබේ උරහිස් මතට අමතරව ඇති කරන බර අවම කර ගත හැකිය.
• අඩි උස පාවහන් පැලදීමෙන් වලකින්න. ඔබේ බර පහසුවෙන් බෙදී යන ලෙස ඇති පාවහන් පළදින්න.
• රස්නය ඇති(අධික උෂ්ණත්වය නැති )තුවායක් හෝ බෝතලයක් කොන්දට තැබීමෙන් වේදනාව අඩු කර ගත හැකිය.
• අවශ්‍ය තරම් විවේකය ලබා ගන්න : විශේෂයෙන් ගර්භනී සමය අවසානයේදී වඩා වැදගත්වේ.
• තද /ඝන මෙට්ටයක් භාවිතා කරන්න. එමෙන්ම මෘදු මෙට්ට භාවිතයෙන් වලකින්න. බොහොමයක් ශ්‍රී ලාංකීය මවුවරු රුපවාහිනිය බලන්නේ හාන්සි වී, ඒ වෙනුවට පුටුවක් භාවිතා කරන්න. එය පහසුකම් අඩු වුවද කොන්දේ කැක්කුම ඇතිවීම අවම කරයි. මෙහිදී කොන්ද කෙලින් තබාගෙන රුපවාහිනිය බලන්න.
• පිට සම්භාහනය : මෙමගින් මාංශ පේශි ඉහිල් වන අතර වේදනාව වැඩි වීම අවම කෙරේ. ඔබේ සහකරුවාව පිට සම්භාහනය කිරීම සදහා සහභාගී කරගන්න. (එය කොන්දේ කැක්කුමෙන් වේදනා විදිනවාට වඩා සහනයක් ඔබට ලබා දෙනු ඇත.)
• ගර්භනී සමයේදී භාවිතය සදහා ඇති විශේෂ කොට්ට(maternity pillows)භාවිතා කරන්න. දෙපසට හැරි නිදා ගැනිමේදී මෙම කොට්ටය ඔබේ උදරය යටින් තබා ගන්න.
• උපකාරක බදපටි භාවිතා කරන්න. මෙමගින් ඔබේ උදරය මගින් දරා සිටින දරුවාගේ බරින් කොටසක් දරා ගැනීමත් ,කොන්දේ මාංශ පේශි වලට හා සන්දි වලට එම බර දරා උපකාර කිරීමත් සිදුවේ.
• පහසු ව්‍යායාම හා මාංශ පේශි ඇදීම සිදු කිරිමෙන් කොන්දේ කැක්කුම අවම කරගත හැකිය. පිහිනීම මේ සදහා ඉතා හොද ව්‍යායාමයක් වේ. මේ සදහා සිදුකරන ව්‍යායාම පිලිබදව “ව්‍යායාම “යන ලිපියෙන් තව දුරටත් දැනගත හැකිය.
• ගර්භනී සමයේ පැරසිටමෝල් ලබා ගැනීම ඔබටත් දරුවටත් ආරක්ෂාකාරීවේ. නමුත් හැම විටම ප්‍රමාණය පිළිබද සැලකිලිමත් වන්න.

ඔබ දිගින් දිගටම කොන්දේ කැක්කුම නිසා පීඩාවට පත්වෙයි නම් වෛද්‍යවරයා විසින් ඔබව භෞත චිකිත්සකයකු හෝ වේදනා සමනය කිරීමට ඇති සායන සදහා යොමු කරනු ඇත. මෙහිදී වේදනා සමනය සදහා විශේෂිත ව්‍යායාම ලබා දෙනු ඇත.

#duringpregnancy #pregnancy #pregnancycare #pregnancycheckup #pregnancytime #pregnancytips # pregnantmother #pregnantwomen #pregnancypain

The post ගර්භනී සමයේදී කොන්දේ කැක්කුම ඇතිවීමට බලපාන හේතු appeared first on mummypages.lk-Pregnancy and Parenting.

මවගේ ගර්භනී අවස්ථාවේ සිටම පටන් ගන්න

දරුවා ඔබේ ගර්භය තුළ සිටියදී සියළු පෝෂ්‍යදායි දේ සඳහා ඔබේ ශරීරය මත රඳා පවතී.  සාමාන්‍යයෙන් දරුවන් ඉපදීමේදී දත් විදුරුමසින් පිටතට නෙරා නොතිබුනත්, දරුවාගේ දත් ඇති වීමට පටන් ගන්නේ, දරුවා ඔබේ ගර්භයේ සිටියදීමය.   දරුවාගේ ඉදිරි කාලයේදී දත් සහ අස්ථි වැඩීමට අවශ්‍ය පෝෂ්‍ය පදාර්ථ සඳහා, දරුවා ඔබේ ගර්භය තුළ සිටියදීම, ඔබ සියළු පෝෂ්‍ය පදාර්ථ, විටමින සහ ඛණිජ ද්‍රව්‍ය  අඩංගු සමතුලිත ආහාර ගැනීම අත්‍යවශ්‍යය.

ඔබේ දරුවාගේ පළමු දත් හෙවත් කිරි දත්

සාමාන්‍යයෙන් දරුවාගේ කිරි දත් ඒමට පටන් ගන්නේ දරුවාට වයස මාස 6 -12 දක්වා අතර කාලය තුළදීය.  සමහර බබාලාගේ දත් ඒම කලින් සිදු වුවත්, සමහරුන්ගේ දත් ඒම මඳක් ප්‍රමාද වී සිදුවේ.   සාමානයෙන් මුලින් පිටතට එන්නේ බබාගේ යටි ඇන්දේ ඉදිරි දත් දෙපලයි.  ඉන්පසු උඩ ඇන්දේ ඉදිරි දත් දෙක සහ ක්‍රමයෙන්  බබාට වයස අවුරුදු 2.5 – 3  වනවිට දත් 20ක් පමණ ඇතිවේ (වැඩිහිටියන්ට දත් 32ක් පමණ පිහිටා තිබේ).  වැඩිහිටියන්ගේ දත් වලට වඩා, බබාලාගේ දත් සුදු පැහැයෙන් යුක්තය.  මෙම හේතුව නිසා බබාලාගේ දත් “කිරි දත්” යනුවෙන් ව්‍යවහාර වේ.  පිරිමි ළමුන්ට වඩා ඉක්මණින් ගැහැණු දරුවන්ගේ කිරි  දත් වැටී ගොස්  ස්ථිර දත් ඒමට පටන් ගනී.

කිරි දත් ඒමට පටන් ගැනීමේදී, බබාලාට පාචනය හෝ උණ ඇති වීමට ඉඩ ඇති බව සාමාන්‍ය ව්‍යවහාරයේ ඇති පොදු පිළිගැනීමකි.  නමුත්, එම කරුණ සනාථ කිරීම සඳහා විද්‍යාත්මක පදනමක් නොමැත.  පැරණි කාලයේදී අපේ ආත්තම්මලා දරුවන්ගේ දත් ඒම පහසු කිරීම සහ වේදනාව සමනය කිරීම සඳහා විදුරුමස්වල මී පැණි ආලේප කරන ලදී.  මෙම කරුණ සනාථ කිරීම සඳහාත් විද්‍යාත්මක පසුබිමක් මෙතෙක් අනාවරණය වී  නොමැත.  දත් ඒම පහසු කරලීම සඳහා බෙහෙත් ආලේපන වර්ගයක් දැනට භාවිතා නොකරයි.  මෙම ක්‍රියාවලිය සාමාන්‍ය ජීවවිද්‍යාත්මක ක්‍රියාවලියකි.

ඔබේ දරුවාගේ “කිරි දත්” රැක ගන්න!

වෛද්‍ය විජේරත්න මහත්මිය අවධාරණය කරනුයේ ඔබේ දරුවාගේ කිරි දත් රැක ගැනීම අත්‍යවශ්‍ය කරුණක් බවයි.  සමහර මව්වරුන් කිරි දත් වැටී යන බැවින් එම දත් පිළිබඳ එතරම් සැළකිල්ලක් නොදක්වනු ලැබේ.  නමුත්, ස්ථිර දත් සඳහාද අඩිතාලම වැටෙන්නේ කිරි දත්වල මූලය මත බව අමතක නොකළ යුතු කාරණයකි.  කිරි දත්වල තත්ත්වය එතරම් හොඳ නැතිනම්, ස්ථිර දත්වල තත්ත්වයද දුර්වල වේ.  එමනිසා, දරුවාගේ ස්ථිර දත්වල ස්වභාවය ශක්තිමත් කිරීමට නම්, කිරි දත්වල සෞඛ්‍ය රැක ගැනීම අත්‍යවශ්‍ය වේ.

මව්වරුන්ට කළ හැකි දේ:

දරුවාගේ දත්වල කුහර සෑදීම වළක්වා ගැනීම සඳහා වෛද්‍ය විජේරත්න මහත්මිය පහත සඳහන් වැදගත් කරුණු කීපයක් මෙසේ ගෙනහැර දැක්වීය.

• ඔබේ බබාට රාත්‍රි කාලයේදී මව්කිරි හෝ දියර කිරි (බෝතලයෙන්) හෝ දෙන වාර ගණන අඩු කරන්න : ඔබේ දරුවාට රාත්‍රියේදී කිරි ආහාර දුන් පසු, කුඩා පුළුන් කැබැල්ලක් හෝ පිරිසිදු මෘදු රෙදි කැබැල්ලක් උණුසුම් ජලයෙන් පොඟවා දරුවාගේ විදුරුමස හොඳින් පිරිසිදු කරන්න.  එවිට රාත්‍රී කාලයේදී විදුරුමසේ රැඳී ඇති කිරි මත විෂබීජ ක්‍රියාකාරිත්වය වළක්වා, බබාට ශක්තිමත් හිතකර කිරි දත් ලැබීමට ඇති හැකියාව වැඩි දියුණු කළ හැකිය.

• දරුවාට පැණි රස කෑම දීමෙන් වළකින්න : චොකලට්, ටොෆී (විශේෂයෙන් දත්වල ඇලෙන පැණි රස කෑම ) සහ විස්කෝතු ආදිය දීමෙන් වැළකී, ඒ වෙනුවට නැවුම් පලතුරු හැකි පමණ දෙන්න.

• ඔබේ දරුවාගේ කිරි දත්වල කුහර සැදී ඇත්දැ‘යි නිතරම පරීක්ෂාකරබලන්න : ඔබේ දරුවාගේ කිරි දත්වල ඉතා කුඩා කුහරයක් හෝ කළු පැහැ  ලකුණක් ඇත්නම්, වහාම දරුවාව දන්ත වෛද්‍යවරයෙක් වෙත ගෙන යන්න.   එවිට ඔබේ දරුවාගේ දත් රෝග මුව පුරා පැතිරීමට පෙර සහ දරුවා වේදනාවට පත්වීමට  පෙර ආරක්ෂා කරගත හැක.

• දරුවාගේ දත් හොඳින් මදින්න : ඔබේ දරුවාගේ දත්, දවසට දෙවරක් මදින්න. ඒ සඳහා මෘදු කෙඳි සහිත දත් බුරුසුවක් පාවිච්චියට යොදා ගන්න. ෆ්ලෝරයිඩ් සහිත දන්තාලේපයක් යොදා ගැනීමේදී ප්‍රවේශම් වන්න. එයට හේතුව එය බබාට ගිලුනහොත්, එමඟින් වෙනත් රෝග සැදීමට ඉඩ ඇති හෙයිනි.  එසේම කුමන වර්ගයේ දන්තාලේපයක් වුවත්, එය ඉතා  ස්වල්පයක් යොදා ගන්න.

• දත් මැලියම් : දත් මැලියම් යනු දත්වල බැඳෙන කහ පැහැයෙන් යුක්ත ඉතා සියුම් ඵලකයකි. දත් හොඳින් පවිත්‍ර නොකළහොත්, එය දත් මත බැඳේ.  එය ක්‍රමයෙන් දත් දිරා යාම සහ දතේ කුහර සැදීම දක්වා පැතිරී යයි.  එමනිසා, ඔබේ ළඳරුවාගේ විදුරුමස් රාත්‍රී කිරි ආහාර වේල දුන්පසු හොඳින් පවිත්‍ර කළ  යුතුය.

ඔබේ දරුවාගේ ස්ථිර දත්

ඔබේ දරුවාට අවුරුදු 6 සම්පුර්ණ වනවිට, සාමාන්‍යයෙන් කිරි දත් වැටී ස්ථිර දත් ඒමට පටන්ගනී.  කිරි දත වැටීමෙන් පසු, ස්ථිර දත පැමිණ, දිවේ ආධාරයෙන් එය නියම ස්ථානයට පැමිණේ.  දරුවාට අවුරුදු 12 සම්පුර්ණ වනවිට, ස්ථිර දත් සියල්ල පැමිණ හමාර වේ.

කිරි දත් අතර ඇති හිඩැස්

සාමාන්‍යයෙන්, දරුවන්ගේ කිරි දත් අතර හිඩැස් ඇත.  එයට හේතුව නම්, ස්ථිර දත්, කිරි දත් වලට වඩා ප්‍රමාණයෙන් විශාල වීමයි.  එමනිසා ස්ථිර දත් වලට අවශ්‍ය ඉඩ ප්‍රමාණය සඳහා මෙසේ කිරි දත් අතර ඉඩ පරතරයක් ඇති වේ.  නමුත් ස්ථිර දත් ඒමේදී, එම පරතරය අවශ්‍ය පරිදි සැකසේ.  එමනිසා කිරි දත් අතර පරතරය සැළකිල්ලට ගත යුතු කරුණක් නොවේ.

ද්විත්ව දත්

දරුවන්ගේ ද්විත්ව දත් ඇතිවීම පොදු කරුණකි.  මෙසේ වන්නේ, කිරිදත් වැටීමට පෙර ස්ථිර දත් පිටතට ඒමට පටන් ගැනීම නිසයි.  එම අවස්ථාවේදී සථිර දත, කිරි දතට පසුපසින් නෙරා එනු ලැබේ.  එවැනි අවස්ථාවන්හිදී, මව්වරුන් තම දරුවා දන්තවෛද්‍යවරයෙකු වෙත ගෙන යා යුතුය.  එවිට එම වෛද්‍යවරයා කිරි දත ගලවා, ස්ථිර දතට නියම ස්ථානයට ඒමට කටයුතු කරුණු ලැබේ.

මවක් වශයෙන් ඔබේ දරුවන්ගේ දත් පිලිබඳ ඔබ ඉතා සැළකිලිමත් විය යුතුයි.  ඒ සඳහා ඔබේ ගර්භනී අවස්ථාවේ සිටම ඔබ ක්‍රියාකාරී විය යුතුයි. ඉහත සඳහන් කරුණු ඔබ පිලිපදීවී කියා අපි අපේක්ෂා කරමු.  ප්‍රමාද නොවී, අවශ්‍ය පියවර ගැනීමට අදම පටන් ගන්න!

#baby #babyhealthcare #babyteeth

The post ඔබේ පොඩිත්තාගේ දත් අාරක්ෂිතද? appeared first on mummypages.lk-Pregnancy and Parenting.

“1978 දී පළමු නල දරු උපත සිදු වුවාට පසු “නල දරු උපත්” ලක්‍ෂ 50 කට වඩා ලෝකයේ සිදු වී ඇති බව ඔබ දන්නවාද ?  500 ක් පමණ අඹු සැමියන් ඉතා සාර්ථකව ශ්‍රී ලංකාවේදී නල දරු උපත් සිදු කරගෙන ඇත .  බොහෝ පුද්ගලික රෝහල්වලදී රු. 550,000 කට වඩා අඩු මුදලකට ඉතා සාර්ථක ලෙස නල දරු උපත් 33 – 40% ක පමණ ප්‍රමාණයක් සිදු කර ඇත.  දරු පිලිසිඳ ගැනීම් සම්බන්ධ ප්‍රශ්න ඇති අඹු සැමියන් හට, ශ්‍රී ලංකාවේ ඉතා සීග්‍රයෙන් නැඟී එන මෙම අවස්ථාව ප්‍රයෝජනයට ගත හැක.”

නල දරු උපතක් යනු කුමක්ද ?

පරීක්ෂණ නලයක් තුල සංයෝජනය වන බැවින් මෙම ක්‍රමයට පොදුවේ ව්‍යවහාර කරන්නේ “නල දරු උපතක්” යනුවෙනි  එයට හේතුව , එම ක්‍රියාවලිය සිදුවන්නේ මවගේ ඩිම්බ කෝෂයෙන් පිටතදී නිසයි .  මෙම ක්‍රමයේදී ස්ත්‍රී ඩිම්බයක් ඩිම්බ  කෝෂයෙන් පිටතට ගෙන, එය පරීක්ෂණාගාර ක්‍රියාමාර්ගයක් හරහා පිරිමි ශුක්‍ර ධාතුවක් සමඟ පරීක්ෂණ නලයක් තුල සංයෝජනය කර, එය නැවතත් ස්ත්‍රී ගර්භාෂයට ඇතුලත් කරයි.  සංසේචිත ඩිම්බය මවගේ ගර්භාෂයට ඇතුලත් කරන්නේ සංසේචනයෙන් දවස් 2 කට පසුවය.  ඩිම්බ රෝපණය සාර්ථකව සිදුවුවහොත්, එතැන් පටන් ගර්භාෂය තුල ගර්භණී  බාවය ඇතිවේ. එනම් එම කාන්තාව, එතැන් පටන් ගර්භනී මාතාවක් වේ.

නල දරු උපතක් ලබා ගැනීමට උත්සුක වන්නේ කවුද ?

ඩිම්බ සහ ශුක්‍රානු සම්බන්ධවීමේ ප්‍රශ්න ඇති (ස්ත්‍රීන්ට හෝ පුරුෂයන්ට හෝ දෙපක්ෂයටම) අඹු සැමියන්ට හැකි සෑම සාමාන්‍ය අයුරින්ම බබෙක් සාදා ගැනීමට උත්සහ කර, ඒවායින් තම අවශ්‍යතාවය ඉටු නොවූ කල, එම අඹු සමියන්ට මෙම ක්‍රමයෙන් බබෙක් හදා  ගැනීමට උත්සහ කළ හැක.  තරුණ වයසේ පසු වන්නේ නම්, මෙම ක්‍රමයට දරුවෙක් හදා ගැනීමට ඇති ඉඩකඩ බෙහෙවින් වැඩිය.  අවුරුදු 39ට වඩා  අඩු වයසින් යුක්ත වුවන්ට, මෙම ක්‍රමයෙන් දරුවන් ලබා ගැනීමේ ප්‍රවනතාවය වැඩිය.

ශ්‍රි ලංකාවේ නල දරු උපතක් ලබා ගැනීමේ ඇති ප්‍රයෝජනය

සාමාන්‍ය අයුරින් දරුවෙක් ලබා ගැනීමට නොහැකි වූ, එහෙත් තමාගේම ලෙයින් මසින් දරුවෙක් ලබා ගැනීමට කැමති අඹු සැමි යුවලකට මෙම ක්‍රමය ඉතා අගනේය.  විශේෂයෙන් ශ්‍රී ලංකාව වැනි රටවල්වල විවාහක යුවලකට, ඔවුන් විවාහ වී අවුරුදු 2 – 3 ක් ඇතුලත දරුවෙකු නොලැබුණහොත්, ඔවුන් වෙත එල්ල වන බලපෑම වැඩිය.  එවැනි අවස්ථා වලදී මෙම ක්‍රමය භාවිතා කර දරුවෙකු ලබා ගැනීම ඉතා කාලෝචිතය.

තාක්ෂණයේ නව දියුණුවේ බල මහිමය නිසා, බොහෝ අඹු සැමියන් මෙම ක්‍රමයෙන් ශ්‍රී ලංකාවේදී දරුවන් ලබා ගැනීමට උත්සුක වෙති.

නල දරු උපතක් ලබා ගැනීමේදී ඇතිවන සාමාන්‍ය සංසිද්ධි

නල දරු පිළිසිඳ ගැනීමකදී සමහරවිට නිවුන් හෝ තුන් නිවුන් දරුවන් ලැබීමට ඇති ඉඩකඩ වැඩිය. නමුත් සෑම යුවලක්ම මේ අයුරින් වැඩිපුර දරුවන් ලබා ගැනීමට බලාපොරොත්තු නොවෙන අතර, දරුවන් බොහෝ දෙනෙකු එකවර පෝෂණය කිරීමට අවශ්‍ය මුදල් ඇති අයද නොවේ.  තවද, දරුවන් කීප දෙනෙකු එකවර ඉපදීම, මවගේ ශරීර සෞඛ්‍යටද බරපතල තර්ජනයක් විය හැක.   සමහර කාන්තාවන්ට නල දරු උපතක් ලබා ගැනීමේදී ලබා දෙන හෝර්මෝන් ක්‍රියාවලියේදී ද, ඩිම්බය ඔවුන්ගේ ඩිම්බ කෝෂයෙන් පිටතට ගැනීමේදී ද, නොයෙකුත් රෝගී තත්වයන්ට මුහුණ දීමට සිදුවේ.

නල දරු උපත් වල ඇති මුල ධර්ම

ශ්‍රී ලංකාවේ මෙම නල දරු උපත් සම්බන්ධයෙන් බොහෝ ආචාර ධර්ම හා ආගමානුකූල ප්‍රතිපත්ති සම්බන්ධයෙන්  වාද විවාද ඇති විය. සමහරු විශ්වාස කරන්නේ නල දරු උපතක් මගින් ජීවිතයක් නිර්මාණය කිරීම හෝ වෙනස් කිරීම, දෙවියන්ට හෝ ස්වභාව ධර්මයට පටහැනි ක්‍රියාවක් බවයි.-ම ක්‍රමයෙන් දරුවෙකු ලබා ගැනීමේදී, එම යුවලට අවශ්‍ය අයුරින් යම් තරමකට දරුවාගේ කළල රුපය, ලිංගය හෝ ජාන වෙනස්කම් ඇති කරගත හැක.  සමහරු මෙය එතරම් සදාචාර සම්පන්න නැති බව විශ්වාස කරයි.  තව සමහරුන්ගේ අදහස වන්නේ,නල දරු උපත් නිසා වෙනත් දරුවෙකු අරන් හදා ගැනීමට උත්සහ නොකරන බවයි.  ශ්‍රී ලංකාවේ දහස් ගණන් ළමයින් අනාථ නිවාසයන්හි රැදී  සිටී.  ඒ කෙසේ වෙතත්, බොහෝ අඹු සැමියන් වෙනත් දරුවෙකු හදා ගැනීමට වඩා, තමන්ගේම දරුවෙකු නල මාර්ගයෙන් ලබා ගැනීමට උත්සුක වෙති.

නල දරුවෙකු ලබා ගන්නවාද නැද්ද

අවාසනාවකට, ශ්‍රී ලංකාවේ සමහර අඹු සැමියන් නල දරුවන් සාදා ගැනීමට පෙළඹෙන්නේ, තමන්ගේම පවුලේ සාමාජිකයන්ගෙන් සහ සමාජයෙන් එන බලපෑමෙන් ගැලවීම සඳහා පමණි.  තව සමහරු, තම දරුවා නල මාර්ගයෙන් හදා ගත්  බව තමාගේම පවුලේ අයට පවා කියන්නට කැමති නැත.  එයට හේතුව සාමාන්‍ය ක්‍රමයට දරුවෙකු පිළිසිඳ නොගතහොත්, එය ඔවුන්ගේ යම්කිසි අඩුවක් නිසා සිදුවූ දෙයක් යයි  අප සමාජයේ ඇති වැරදි මතයයි.  අනෙක් අය බිය වන්නේ, සමාජයේ මුල් බැසගෙන ඇති මතයක් වන නල දරුවන් “සාමාන්‍ය නොවේ” හෝ “ස්වභාවික නොවේ” යන සිතිවිල්ල  නිසාය.

මෙවැනි මත සහ සාවද්‍ය ආකල්ප සමාජයෙන් පලවා හැරිය යුතුයි.  දරුවන් නැතිව සිටිනවා ද, එසේ නැතිනම්, දරුවෙක් අරන් හදා ගන්නවාද යන තීරණය අඹු සැමියන්ගේ පුද්ගලික තීරණයක් විය යුතු අතර, සෑම අඹු සැමියෙකුටම එම තීරණය තමන් කැමති අයුරින් ගැනීමට නිදහස තිබිය යුතුයි.  අන්තිමේදී වැදගත් වන්නේ, ඔබේ බබා පිළිසිඳ ගත්තේ නල මාර්ගයෙන්ද, නැතහොත් සාමාන්‍ය ක්‍රමයෙන්ද, එසේත් නොමැතිනම්, අරන් හදා ගත්තේද යන්න නොවේ.  සෑම බබෙක්ම ඉතාමත් ලස්සනයි.  ඒ වගේම බොහෝ අනර්ඝයි !

#newbaby #newbornbaby #testtubebaby #babyhealthy #motherandbaby

The post නල දරැ උපත ගැන ඔබත් දැනුවත් ද? appeared first on mummypages.lk-Pregnancy and Parenting.

“උපත් බර යනු බබා උපන් අවස්ථාවේ ග්‍රෑම් 2500ට වඩා අඩු බරකින් යුක්ත වීමයි.   නමුත් සාමාන්‍යයෙන් ග්‍රෑම් 2000 සිට ග්‍රෑම් 3500 අතර  බර ප්‍රමාණය සැළකිය හැකි තත්ත්වයක පවතී”

ශ්‍රී ලංකාවේ අඩු උපත් බර ඇති බබාලා බොහෝ ප්‍රමාණයක් ඇත.  ශ්‍රී ලංකාවේ බර අඩු දරු උපත් සංඛ්‍යාව ක්‍රමයෙන් වැඩි වෙමින් පවතී.  බොහෝ වශයෙන් මෙයට ප්‍රධාන හේතුව වශයෙන් පවතින්නේ නොමේරූ (නියමිත දින ගණන සම්පුර්ණ නැති) දරු උපත් සහ නිවුන් දරු උපත් වේ.  තනි දරු උපත් සමඟ සැසඳීමේ දී, 50%ක් නිවුන් දරු උපත්වල නියමිත බරින් අඩු බබාලා ඇත.  නියමිත බරෙන් යුත් දරුවන් සමඟ සැසඳීමේදී, බරින් අඩු බබාලා ප්‍රමාණයෙන් ඉතා කුඩා වේ.  කෙසේ හෝ, එම දරුවන්ගේ ඔළුව ප්‍රමාණයෙන් විශාලව පෙනෙන අතර, ශරීරය කුඩාවට දිස් වේ.

බරින් අඩු දරු උපත් ඇති වීමට හේතු:

ශ්‍රී ලංකාවේ බරින් අඩු දරු උපත් සඳහා ප්‍රධාන හේතු වශයෙන් සැළකෙන්නේ නොමේරූ දරු උපත්, එනම් සති37 සම්පුර්ණ වීමට පෙර ඇති වන දරු උපත් වේ. බබෙක් නියමිත කාලයට පෙර ඉපදීමේ දී, ඔහුට හෝ ඇයට මවගේ ගර්භය තුළදී නියම බර ප්‍රමාණයෙන් වැඩීමට ඇති කාලය මදි වේ.  එයට හේතුව වන්නේ දරුවා බර ප්‍රමාණයෙන් වැඩි වනුයේ ගර්භනී අවස්ථාවේ අවසන් කාල සීමාවේදී  වීමයි.

බරෙන් අඩු දරු උපත් සඳහා ඇති අනෙක් කරුණු වන්නේ, ඩිම්බබන්ධයේ යම් ප්‍රශ්නයක්  හෝ මවගේ ශාරීරික දුර්වලතා නිසා  හෝ දරුවාගේ තත්ත්වය අනුවයි. බරින් අඩු දරු උපත් වලදී බබා සාමාන්‍ය ප්‍රමාණයට වඩා කුඩා වේ.

බරින් අඩු දරු උපත් සඳහා ඉවහල් වන අනෙකුත් කරුණු:

ඉහත සඳහන් කරුණු වලට අමතරව බර අඩු දරු උපත් සඳහා වෙනත් කරුණු ද බල පෑ  හැක.

• ජාතිය – ශ්‍රී ලංකාවේ බබාලා සාමාන්‍යයෙන් සුදු ජාතික බබාලාට වඩා බරින් අඩුවේ.

• වයස – අඩු වයසින් යුක්ත මව්වරුන්ගේ බබාලාට, උපත් බර අඩුවීමේ වැඩි අවදානමක් ඇත.

• බොහෝදරුවන් එකවර ඉපදීම – නිවුන්, තුන් නිවුන් සහ එයට වැඩි ප්‍රමාණයක් දරුවන් එකවර ඉපදීමේදී අඩු බරකින් යුක්ත වේ.

• සෞඛ්‍යතත්ත්වය – මව්වරුන් විෂ මත්ද්‍රව්‍ය, මත්පැන් සහ සිගරට් වැනි ද්‍රව්‍ය පරිහරණය කරත් නම්, බරින් අඩු බබාලා ඇති වීමට ඉඩ ඇත.

• පෝෂ්‍යදායකආහාර – පෝෂ්‍යදායක තත්වයෙන් යුක්ත නොවූආහාර ලබා ගන්නා මව්වරුන්ට, එනම් ගර්භනී වීමට පෙර පෝෂ්‍යදායක ආහාර නොලැබීමෙන්, ගර්භනී අවස්ථාවේදී පෝෂ්‍යදායක ආහාර ලබා නොගැනීමෙන් සහ ගර්භනී අවස්ථාවේ දී නොයෙකුත් සංකූල තත්වයන්ට මව මුහුණ දීම නිසා ද, බරින් අඩු දරු උපත් ඇති වේ.

බබාගේ උත්පත්ති බර අඩුවීම නිසා ඇති අවදානම

බබා ඉපදෙන විට බර අඩු වීම නිසා නොයෙකුත් ආකූල තත්ත්වයන් ඇතිවිය හැකි අතර, අලුත උපන් බබාට විශේෂ සැළකිල්ලක් දැක්විය යුතුය.  බබාගේ කුඩා සිරුර එතරම් ශක්තිමත් නොමැති බැවින්, බබාට ආහාර ගැනීම, බබාගේ ශාරීරික බර වැඩිවීම, විෂබීජ සමඟ සටන් කිරීමට ඇති හැකියාව  සහ සාමාන්‍ය දේශගුණික තත්ත්වයේදී පවා ශරීරය උණුසුම්ව තබා ගැනීම ආදිය අපහසු වේ.  උත්පත්තියේදී ශරීර බර ප්‍රමාණය අඩු වීම නිසා, මුහුණ පාන්නට වන පොදු ප්‍රශ්න වන්නේ, උපතේදී ඔක්සිජන් මට්ටම අඩු වීම, ආසාදන තතත්වයන් ඇතිවීම, හුස්ම ගැනීමේ ප්‍රශ්න, ස්නායු ආබාධ,  උදර සහ අභ්‍යන්තරික අවයව සම්බන්ධ ආබාධ සහ හදිසි ළදරු මරණ ආදියයි. ශ්‍රී ලංකාවේ සෑම බරින් අඩු දරු උපතකදීම එම බබාලාට විශේෂ සැළකිල්ලක් අවශ්‍ය වේ.

උත්පත්තියේදී බරින් අඩු දරුවන්ගේ, වෙනත් ව්‍යාකූල තත්ත්වයක් නොමැති නම්,  ක්‍රමයෙන් යම් කාලයක් තුළදී, ශාරීරික වැඩීමක් ඇති වේ.

#BirthWeigh #BirthWeightLossislow #BirthWeightlow #growwithus

The post අඩු උපත් බර යනු කුමක්ද? appeared first on mummypages.lk-Pregnancy and Parenting.

ප්‍රතිවාහ (කිරි වමනය යාම)  

බබාලාගේ බඩවැලේ සාමාන්‍යයෙන් සිදුවන සංකෝචන ක්‍රියාවලිය සිදුවීමට යම් කාලයක් ගත වේ.  එය සිදුවන තෙක් බබාලා බොන කිරි සාමාන්‍ය කාලයට වඩා වැඩි කාලයක් ඔවුන්ගේ බඩේ තැන්පත් වී තිබී, නැවත ආපසු එලියට එයි.  මෙය “reflux” (රිෆ්ලක්ස්) නමින් හැඳින් වේ.  මෙය බබාලාට වයස මාස 4 – 12 වනවිට මඟ හැරී යනු ඇත.

මල බද්ධය (බඩ වේලීම) 

දරුවන් කුඩා කාලයේදී ඔවුන්ගේ මල පහවීම සාමාන්‍ය අයුරින් සිදු නොවේ.  සමහර බබාලාගේ මල (අසූචි) වියළි වී, ඝන වීමෙන් ඔවුන් මල පහකිරීමට යත්න දැරීමේදී, හඬා වැටේ  ශ්‍රී ලංකාවේ බබාලාට මවු කිරි දෙන මව්වරුන් ගස්ලබු ආහාරයට ගැනීමෙන් බබාලාව මෙම පහසුතාවයෙන් මුදවා ගත හැක.

කෙළ පෙරීම 

මෙය බබාලා ඉපදුන විට පටන් ගන්නා අතර මාස 3 වනවිට නවතී.

අතීසාරය (පාචනය)  

ශ්‍රී ලංකාවේ බබාලාට දියර වශයෙන් මල පහවීම වැළඳෙන්නේ යම් විෂබීජයක් ශරීරගත වීමෙනි.  මෙය උණ නොමැතිව සති 3ක් හෝ 3ක් තිබේ නම්, එය කිරි අසාත්මිකතාවයකින් හෝ කිරිවල ඇති සීනි (ලැක්ටෝස්) නිසා විය හැකිය.  මේ පිලිබඳ වැඩි විස්තර දැනගැනීම සඳහා  milk allergy or lactose   බලන්න.

වමනය 

මෙය බබාලාට බහුලව සෑදෙන රෝගයකි.  මේ අසාදනය වසංගතයක් නිසා ඇතිවන අතර මෙය දින දෙකක් හෝ තුනක් පවතී.  ඔබේ බබාට අහාර දීමෙන් පසුව කෙළින් අතට තැබීමෙන් සහ කෙටි ආහාර වේලවල් දීමෙන් මෙයින් වැළැක්විය හැක.

කැස්ස 

කැස්ස ඇතිවීම ඇඳුම(ශ්වාස රෝගයක්) හෝ වසංගත රෝගයක් විය හැක.  එසේ නොමැති නම්, එය ඊට වඩා භයානක රෝගයක් වන ගැස්ට්‍රෝ එසොෆොජීල්  රීෆ්ලක්ස් නමැති රෝගය විය හැක.

යටි බඩේ වේදනාව 

මෙය සීතලට (සීතල සුළඟ) නිසා ඇති විය හැක.  වෙනත් කිසිදු හේතුවක් රහිතව ඔබේ බබා නිතර හඬයි නම්, ඔබේ බබාගේ යටි බඩේ වේදනාවක් විය හැක. මෙය බබාට මාස 3 වනවිට ඉවත් වේ.

සෙංගමාලය 

මෙය සෑදුන විට බබාගේ හම කහ පැහැ ගැන්වේ.  බොහෝ දුරට මෙම රෝගය වෛද්‍ය ප්‍රතිකාර නොමැතිව සුව වන අතර, මෙය එතරම්  බරපතල රෝගයක් නොවේ.

තද උණ

උණ පෙන්නුම් කරන්නේ ශරීරය යම් විෂ බීජයක් සමඟ ගැටෙන විටයි.  ඔබේ දරුවාට ෆැරන්හයිට් අංශක 100.4 – 102.2ක් පෙන්නුම් කෙරේ නම්, වහාම ළමා වෛද්‍යවරයෙක් වෙත රැගෙන යන්න.

ලෝකයේ දෙමව්පියන්ට මුහුණ පෑමට සිදුවන ඉතාම කරදරකාරී අවස්ථාව වන්නේ තම බබාලා අසනීප වන විටයි.  මෙම අසනීප වලින් බොහොමයක් ඉතා බිහිසුණු ඒවා නොවේ.  කෙසේ නමුත්, ඔබේ සහජ බුද්ධිය මෙහෙයවා සිතා බලා, ඔබේ බබාට වැළඳී තිබෙන්නේ ඔබට නිවසේදී ප්‍රතිකාර කළ නොහැකි රෝගයක් යයි දැනේනම්, වහාම ළමා වෛද්‍යවරයෙක් වෙත බබාව රැගෙන යන්න.

ආදර දෙමව්පියනි, කලබල නොවී,සන්සුන්ව සිටිමින් නිවැරැදී දේ කිරීමට උත්සුක වන්න.  එයට හේතුව, කුඩා දරුවන් සමහර අවස්ථාවල දී අසනීප වන හෙයිනි!

#baby #babycare #babyhealthy

The post බබාලා පොදුවේ සාමාන්‍යයෙන් පෙන්වන අපහසුතාවන් කීපයක් : appeared first on mummypages.lk-Pregnancy and Parenting.

ශ්‍රි ලංකාවේ දන්ත රෝග, නිතරම දක්නට ලැබෙන පොදු දෙයකි.

නරක වූ දත් – සාමාන්‍යයෙන් අවුරුදු 6ක් වයසැති දරුවන්ගෙන් 70%ක්ම දත් ප්‍රශ්ණ වලට මුහුණ පායි.    කුහර සහිත දත් ඇති වන්නේ බැක්ටීරියාවන් නිසයි.  බැක්ටීරියා වර්ධනය හේතුව, හොඳින් මුඛය පිරිසිදු නොකිරීමයි.

විදුරුමස් රෝග – විදුරුමස් රෝග සෑදෙන්නේ නියමාකාරයෙන් දන්ත පරීක්ෂාවන්ට භාජනය නොවන නිසාය.

හේතු  :

ශ්‍රී ලංකාවේ බොහෝ අයෙකුට දත් රෝග ඇති වීමට හේතුව, ඔවුන් දන්ත සෞඛ්‍ය පිළිබඳ එතරම් සැළකිල්ලක් නොදක්වන නිසයි.

• දරුවන්ගේ වයස අවුරුදු 1-1/2 සිට 6 දක්වා කිරි දත්වල ඇති වැදගත්කම ගැන නිසි අවබෝධයක් නොමැති වීම
• වයස අවුරුදු 1 ට වැඩි ළමයින්ට රාත්‍රී කිරි ආහාරය දෙන විට එයට සීනි මිශ්‍ර කිරීම
• වැඩුණු දරුවන් හට සීනි මිශ්‍ර කර වතුර බීමට උනන්දු කරවීම.
• දවසට දෙවරක් තරුණ ළමයින්ගේ දත් නොමැදීම
• පමණට වඩා පැණි රස කෑමට ඇබ්බැහි වීම

කිරි දත්

ස්ථිර දත් ඒමට පෙර ළමයින්ගේ කිරි දත් ඒම සිදුවන අතර ස්ථිර දත් වල වර්ධනය සිදු වනුයේ කිරි දත් වල අඩිතාලම මතයි.  කිරි දත් ස්ථිර දත් සඳහා අවශ්‍ය නිසි අවකාශ ලබාදෙන අතර, හොඳ දන්ත මුලාශ්‍ර ද,  ලබා දෙනු ලැබේ.  එම නිසා, කිරි දත් වලට හොඳ සෞඛ්‍ය සම්පන්න තත්ත්වයක් ලබා නොදුන හොත්, එය ස්ථිර දත් සඳහාද බලපායි.  එවිට ස්ථිර දත් දිරීමට සහ දත් වල කුහර සෑදීමට පහසුවෙන් ඉඩකඩ ඇතිවේ.

හොඳ සෞඛ්‍ය සම්පන්න දත් සඳහා

ශ්‍රී ලංකාවේ ළමුන්ට සෞඛ්‍ය සම්පන්න දත් දෙපළක් ලබා ගැනීමට නම්, දෙමාපියන් ඒ සඳහා නියමාකාර ක්‍රියා පිළිවෙතක් අනුගමනය කළ යුතුයි.

• උදේට සහ රාත්‍රියට දත් මැදීමට ළමුන්ට අනුබල දිය යුතුයි – ඔබ දත් මදින විට, ඔබේ දරුවන්වද එක් කර ගන්න. ඔවුන්ට දත් නියමිත ආකාරයට මදින අයුරු හොඳින් කියා දෙන්න.
• හොඳ දත් බුරුසු සඳහා මුදල් යොදවන්න – ශ්‍රී ලංකාවේ ළමුන්ට සරිලන හොඳ දත් බුරුසු වෙළඳ පොළෙන් මිළදී ගත හැක
• නිසියාකාර දන්තාලේප තෝරා ගන්න – ෆ්ලෝරයිඩ් පමණට වඩා වැඩි දන්තාලේප අවුරුදු 6ට අඩු දරුවන්ට සුදුසු නැත.  එමනිසා, කුඩා දරුවන්ට සුදුසු දන්තාලේපයක් තෝරා ගන්න
• වැඩිපුර පැණිරස කෑම මඟ හරින්න – පැණිරස ආහාර අද කාලයේ දරුවන්ට දීම ඉතා සතුටු දායක ක්‍රියාවක් ලෙස නොසළකන්න. කුඩා කාලයේදීම ළමුන්ට දත් රෝග වැළඳීමට පමණක් නොව, කුඩා කාලයේදීම ළමුන්ට දියවැඩියාව සහ ස්ථුලත්වය (තරබාරුකම) වැනි රෝග සැදීමේ ප්‍රවණතාවය ඇතිවේ.
• දන්ත වෛද්‍යවරයා හමු වීමට ක්‍රමානුකූලව යන්න – ඔබේ දරුවාගේ සාමාන්‍ය දන්ත සෞඛය පිලිබඳ පරීක්ෂා කර බැලීම සඳහා, ඔබේ දන්ත වෛද්‍යවරයා හමුවීමට යාම විධිමත්ව කරන්න.

දන්ත සෞඛ්‍ය සම්පන්න හොඳ දත් දෙපළක් සඳහා:

1. දත් බුරුසු

• ශ්‍රී ලංකාවේ දැන් හොඳ දත් බුරුසුවක් වෙළඳ පොළෙන් තෝරා ගැනීම අපහසු කාර්යයක් නොවේ.
• ඔබේ දරුවාට හැසුරු වීමට පහසු දත් බුරුසුවක් (ළමා දත් බුරුසුවක්) තෝරා ගන්න.
• සෞම්‍ය කෙඳි සහිත – විදුරු මස් වලට හානි නොවීම සඳහා
• විවිධ පාටින් සහ හැඩයෙන් යුක්ත – දිනපතා දත් මැදීමට උනන්දු කර වීම සඳහා

2. දන්තාලේප :

• වයස අවුරුදු 6ට අඩු දරුවන් සඳහා, අඩු ෆ්ලොරයිඩ් (fluoride) ධාරිතාවක් ඇති,
• හොඳ දන්තාලේපයක් භාවිතා කරන්න – නොයෙකුත් පාටින් යුක්ත දන්තාලේප සඳහා නැඹුරු නොවන්න.
• දන්ත විශේෂඥයන් අනුමත කළ දන්තාලේපයක් තෝරා ගන්න.
• ඔබේ දරුවාගේ දන්ත වෛද්‍යවරයාගෙන් විමසා, හොඳ ඖෂදීය දන්තාලේපයක් තෝරා ගන්න – මේ කරුණු ඔබේ දරුවාගේ දත් රැක ගැනීමටත්, ශක්තිමත් කිරීමටත් ඉවහල් වේ

සෞඛ්‍ය සම්පන්න දත් සහ ප්‍රිතිමත් ළමුන්

අතිශය දීප්තිමත් සිනාවක් තරම් සුව දෙන අන් දෙයක් ලොවෙහි නැත.  එම සිනාව ඔබේ දරුවාගෙන් ලෝකයට දායාද කිරීම ඔබ සතු යුතුකමකි.  ඒ සඳහා නිසියාකාර සැළකිල්ලක් ඔබේ දරුවාගේ මුඛ සෞඛය වෙනුවෙන් ලබා දෙන්න.

නරක දතකින් දරුවා විඳින වේදනාවෙන් ඔබේ දරුවා බේරා ගන්න.  අදම ඔබේ දරුවාගේ දන්ත සෞඛ්‍ය පිළිබඳව සැළකිලිමත් වී, ඔහුගේ/ඇයගේ මුතුවන් දීප්තිමත් දත් දෙපළ රැක ගන්න!

#baby #babyhealthcare #babyteeth

The post ඔබේ දරුවාගේ දත් රැක ගන්න appeared first on mummypages.lk-Pregnancy and Parenting.

ගර්භණී අවස්ථාවේදී මම මත්පැන් භාවිතා නොකළ යුතුද? ඔව්

ගර්භණී අවස්ථාවේදී කොපමණ ප්‍රමාණයක් මත්පැන් පානය කළහොත්, බබාගේ ආරක්ෂාව තහවුරු වේද යන්න ගැන ලෝකයේ ඇති සාධක ප්‍රමාණවත් නොවේ.  කෙසේ නමුත්, මුල් තුන් මස තුළදී  මත්පැන් භාවිතා කිරීම කොහෙත්ම අනුමත කළ නොහැක.  එයට හේතුව එමඟින් දරු ගැබ විනාශ (ගබ්සාවක්) විය හැකි බැවිනි.  එයට අමතරව, ගර්භණී අවස්ථාවේදී මත්පැන් පානය නිසා, බබාගේ උපන් බර අඩුවීම, නොමේරූ දරු උපත්, ශාරීරික විකලාංගතාවය සහ බබාගේ වැඩීමේ දුර්වලතා, එනම් ඉගෙනීමේ සහ හැසිරීමේ දුර්වලතා ආදියද ඇතිවිය හැකිය.  ඉතාම ආරක්‍ෂිත ක්‍රමය වනුයේ ගර්භණී අවස්ථාව පුරා මත්පැන් පානයෙන් වැළකී සිටීම වේ.

බෙහෙත් (ඖෂධ) වර්ග භාවිතා කිරීමට පෙර, සෑමවිටම වෛද්‍යවරයාගෙන් හෝ වින්නඹු මාතාවගෙන් ඒ පිළිබඳව විමසන්න.

ගර්භණී අවස්ථාවේදී, බෙහෙත් වර්ග හෝ සාමාන්‍යයෙන් භාවිතා  කරන වේදනානාශක පවා  පාවිච්චි කිරීමට පෙර, ඔබේ වෛද්‍යවරයාගෙන් විමසීම ඉතා බුද්ධිමත් ක්‍රියාවකි.

ඔබට වැළදී තිබෙන රෝගී තත්වයක්  (ඇදුම, තයිරොයිඩ් ග්‍රන්ථිය ඉදිමීමේ රෝගය, දියවැඩියාව, අධි කොලෙස්ටරෝල් වැනි රෝග) නිසා, ඔබ දිගු කාලීන බෙහෙත් වර්ග දැනටමත්  භාවිතා කරන්නේ නම්,  මෙම බෙහෙත් වර්ග පිළිබඳව ඔබේ වෛද්‍යවරයාට දැනුම් දී, ඒවා දිගටම භාවිත කිරීම සුදුසුද නැද්ද යන්න ඔහුගෙන් විමසන්න.  එසේ රෝගී තත්ත්ව ඔබට වැළඳී ඇත්නම්, වහාම ඔබේ වෛද්‍යවරයාව හමුවන්න.

එම රෝගී තත්ත්ව ඇති කාන්තාවන්, ගර්භණීත්වයට පත්වීමට තීරණය කරයි නම්, ඔබේ වෛද්‍යවරයාව ඊට පෙර හමුවී ඒ පිළිබඳව සාකච්ඡා කිරීම නුවණට හුරු ක්‍රියාවකි.

ඔබේ මාසික ඔසප් වීම නැවතී ඇත්නම්, ඔබ ගර්භණී බවට පත් වී ඇති බව දැනගත්තේ නම්, ඔබේ බබා ගර්භාෂය තුළ දැනටමත් සති 3 – 4ක් වයසට පත්ව ඇති බව මතක තබා ගන්න!

ගර්භණී අවස්ථාවේදී, පළමු සති 12 හඳුන්වන්නේ “ගර්භණී අවස්ථාවේ මුල් තුන් මාසය” යනුවෙනි.  මේ මාස තුන ඇතුළත ඔබේ බබාගේ ඉන්ද්‍රියයන් වැඩීමට පටන් ගන්නා කාලයයි.  එමනිසා, මේ කාලය ඉතාම අවදානම් කාලයක් වන අතර, ඔබේ හැසිරීම් රටාව සහ පිටතින් ලබා ගන්නා (ආහාර, ඖෂධ/මත්ද්‍රව්‍ය, බෙහෙත්, විෂබීජ සහ වසංගත රෝග) ආදිය ඔබේ බබාගේ නීරෝගී වර්ධනය කෙරෙහි බල පෑ හැකිය.

අනෙකුත් පූර්වෝපායන්

ගර්භණී අවස්ථාවේ දී ගැනීමට සුදුසු ආරක්‍ෂිත ඖෂධ වර්ග:

• පැරසිටමෝල්
• ප්‍රතිජීවක
• ස්ථානීය නිර්වින්දක (දත් සම්බන්ධ ප්‍රතිකාරක වලදී)
• සමහර එන්නත් වර්ග – පිටගැස්ම ඇතුළුව

කෙසේ නමුත්, සෑමවිටම ඔබේ වෛද්‍යවරයාගෙන් විමසීම ඉතා සුදුසුය.  තනිවම සිතා බලා ගන්නා  බෙහෙත් වර්ග/කවුන්ටරයෙන් ලබා ගන්නා බෙහෙත් වර්ග වලින් ආරක්ෂා වන්න.

දත් සම්බන්ධ වෛද්‍යවරයෙක් හෝ වෙනත් වෛද්‍යවරයෙක් වෙතට ඔබ යන්නේ නම්, එම වෛද්‍යවරයා ඔබට යම් බෙහෙතක් නියම කිරීමට පෙර,  ඔබ ගර්භණී බව පවසන්න අමතක කරන්න එපා.  ඔබ බෙහෙත් ගැනීමට යනවිට, හැකි සෑමවිටම ඔබේ සෞඛ්‍ය පිළිබඳ වාර්තා සියල්ල ගෙන යන්න.  ඔබට කුමන අවස්ථාවක හෝ පහසුවෙන් ගත හැකි අයුරින් වෛද්‍ය වාර්තා සියල්ලෙහි මෘදු කොපියක් – soft copy (ඔබේ ජංගම දුරකථනයේ හෝ අතේ ගෙන යා හැකි  පරිඝනකයේ) තබා ගැනීමට සමහර වෛද්‍යවරුන් ඔබ‍ට උපදෙස් දෙනු ලැබේ.

ඔබ ආයුර්වේද, සිංහල බෙහෙත් හෝ හෝමියෝපති වෛද්‍ය ප්‍රතිකාර ගැනීමට පෙළඹෙන්නේ නම්, එයට පෙර ඔබේ වෛද්‍යවරයාගෙන් ඒ පිළිබඳව විමසිය යුතුයි.  එයට හේතුව සෑම “ස්වභාවික” සිංහල බෙහෙත් හෝ ආයුර්වේද බෙහෙත් වර්ග ගර්භණී අවස්ථාවේදී  ඔබට  සුදුසු නොවේ.\

#pregnancytime #pragnancymother #pregnancywomen #pregnancymotherinsrilanka# pregnancyfood #healthywomen #alcohol

The post මත්පැන් සහ බෙහෙත් appeared first on mummypages.lk-Pregnancy and Parenting.

ක්‍ෂයරෝගය යනු  ලෝකයේ ප්‍රමුඛ පෙලේ තිබෙන  මාරාන්තික රෝගයක් වේ.  ක්‍ෂයරෝගය ආසියාවේ සහ අප්‍රිකාවේ වැඩි මරණ සංඛ්‍යාවකට තුඩු දෙන රෝගයක් බව සමීක්ෂණ වලින් සොයාගෙන තිබේ.  ශ්‍රී  ලංකාවේ මෙම රෝගය පැතිරීමේ බොහෝ සෙයින් වැළැක්වීමට ප්‍රයත්න දරණ නමුත්, දැනටත් 10,000කට අධික කාන්තාවන් ප්‍රමාණයක්  මෙම රෝග්‍ය නිසා ජීවිතක්ෂයට පත් වේ.  විශේෂයෙන් ගර්භණි මව්වරුන් සහ උත්පාදන වයසේ සිටින කාන්තාවන් (වයස  15 – 44 දක්වා) මෙම රෝගයෙන් මරණයට පත් වේ.

ක්‍ෂය රෝගය යනු කුමක්ද?

ක්‍ෂයරෝගය (ටීබී යනුවෙන් ද හඳුන්වනු ලැබේ)  වාතය මඟින් පැතිරෙන රෝගයකි.  මෙම රෝගය බෝවන්නේ  බැක්ටීරියාවක් මාර්ගයෙනි.  මෙම  රෝගය වැළඳුන තැනැත්තෙක් ගේ කැස්ස, ප්‍රශ්වාස හෝ කිඹුහුන් මාර්ගයෙන් ඉතා කුඩා බැක්ටීරියා අංශු වාතලයට මුසු වේ.  මෙම කුඩා අංශු නීරෝගී පුද්ගලයෙකුගේ ශරීරයට  ආශ්වාස මඟින් ඇතුල් වූ පසු, ඒවා ඔහුගේ/ඇයගේ පෙනහළු මාර්ගයෙන් රුධිරයට හෝ වසා ග්‍රන්ථි තුලට යනු ලැබේ.  සාමාන්‍ය සෙම්ප්‍රතිශ්‍යාව සේ නොව, ක්‍ෂය රෝගය බෝවන්නේ, එය බොහෝ කාලයක් ආසාධිත තත්ත්වයේ සිටි පුද්ගලයෙකුගෙනි.

කාන්තාවන්ගේ ක්‍ෂය රෝගය

කාන්තාවන් මෙම රෝගයට වැඩි වශයෙන් ගොදුරු වන බව වාර්ථාවල සඳහන් වේ.  පහත සඳහන් කරුණු මත ශ්‍රී ලංකාවේ කාන්තාවන්ට මෙම රෝගය වැළඳීමට ඇති ප්‍රවනතාවය වැඩිය.

පෝෂණ ඌනතාවය, අඩු සනීපාරක්ෂක  පහසුකම්, අඩු සෞඛ්‍ය පහසුකම්  සහ ඒ පිළිබඳ වැඩි අවධානයක් යොමු නොකිරීම තෙත් සහිත දේශගුනයේදී ටීබී බැක්ටීරියාවේ වර්ධනය ඉතා පහසුවෙන් සිදුවේ.  ශ්‍රී ලාංකික  මව්වරුන් අඩු වාතාශ්‍රය ඇති සහ දුම් සහිත මුළුතැන්ගෙවල්වල  බොහෝ වෙලාවක් ගත කරන බැවින් ඔවුන්ට මෙම රෝගය පහසුවෙන් වැළඳේ.   මූලිකව ටීබී බැක්ටීරියාව පෙණහළු ආක්‍රමණය කළත්, අනෙකුත් අවයව ද මෙම රෝගය මඟින් ආසාදනය වේ.  කාන්තාවන්ගේ  ප්‍රජනන ඉන්ද්‍රීන් මෙම රෝගයට පහසුවෙන් ගොදුරු විය හැක.

ටීබී රෝගයේ මූලික ලක්ෂණ   

පහත සඳහන් රෝග ලක්ෂණ ඔබේ ශරීරයේ ඇත්නම්, වහාම ඒ හා සම්බන්ධ වෛද්‍යවරයෙකු මුණ ගැසීම ප්‍රඥාගෝචර වේ.

• එක දිගට පවතින කැස්ස (සති තුනකට වඩා)
• කැස්ස සමඟ රුධිරය පිටවීම
• ශරීරයේ බර අඩුවීම
• අධික මහන්සිය
• හුස්ම ගැනීම අපහසු වීම
• ආහාර අරුචිය
• ඔක්කාරය
• රාත්‍රියේදී බොහෝ දහඩිය දැමීම

ඔබේ වෛද්‍යවරයා ඔබට ක්‍ෂයරෝගය වැළඳී ඇත්දැ’යි අධීක්ෂණය කිරීම සඳහා ඔබගෙන් නොයෙකුත් ප්‍රශ්න අසා, ඔබේ සෙම (ශ්ලේෂ්මල), රුධිරය සහ/හෝ සම සම්බන්ධ නොයෙකුත් පරීක්ෂණ ද, (එය හඳුන්වන්නේ මැන්ටු පරීක්ෂණය නමිනුයි –     සමහරවිට, ඔබට ලය පරීක්ෂණයක් කිරීමට ද, ඉල්ලා සිටිනු ලැබේ.

ක්‍ෂය රෝගය සහ ගර්භණී භාවය

ශ්‍රී ලංකාවේ වෙසෙන ක්‍ෂයරෝගය සඳහා ප්‍රතිකාර නොගත් ගර්භණී මව්වරුන් බොහෝ වේලාවට බිහි කරනුයේ නියමිත බර ප්‍රමාණයෙන් අඩු දරුවන්, නියමිත ලෙස නොවැඩුණු දරුවන්, ගර්භයේදීම මැරුණු දරුවන් සහ බොහෝ විට ඉපදෙන විටම මරණයට පත්වන දරුවන් වේ.  තවද, ඔවුන්ගේ ක්ෂය රෝගය ඔවුන්ගේ බිළිඳුන්ට ද  බෝවේ.

කළින් රෝගය හඳුනාගත් කළ, එය පහසුවෙන් සුව කළ හැකි රෝගයකි.  ඔබ ක්ෂය රෝගය සඳහා වූ   ප්‍රතිකාර නිසි පරදි, යම් කාල පරාසයක් තුල නොකඩවා ගැනීමෙන් මෙම රෝගය සම්පූර්ණයෙන් සුව කර ගත හැක.     ඔබ ගර්භණී අවස්ථාවේ සිටියදී, ක්‍ෂයරෝගය සඳහා ප්‍රතිකාර ගැනීමෙන්, එයින් බබාට අතුරු ඵල ඇති වෙන බවට දැනගත හැකි සිද්ධාන්ත නොමැත.  ඔබ ක්ෂය රෝගය සඳහා නොකඩවා ප්‍රතිකාර ගැනීම නිසා, ඔබේ බබා ගර්භයේ සිටියදී හෝ ඉපදුනු පසු, ඔහුට/ඇයට මෙම රෝගය වැළඳෙන බවට සාක්ෂි නොමැත.  බබාට මව්කිරි දෙන කාල සීමාවෙදී ද, ඔබ එම ප්‍රතිකාර නොකඩවා ගත යුතුය.  ඔබේ බබා එම රෝග ලක්ෂණ පෙන්නුම් කෙරේ නම්, බබා ඉපදුන කාල සීමාවේ සිට, ඔබේ බබාටත් එම රෝගය සඳහා නියමිත ප්‍රතිකාර කරනු ලැබේ.  ඔබේ බබාට ක්‍ෂය රෝගය වැළඳී නොමැති නම්, එම රෝගයෙන් වැළැක්වීම සඳහා නියමිත එන්නත් ලබා දෙනු ලැබේ.

“ඔබත්, ඔබේ බබාත් මෙම රෝගයෙන් වැළකීම සඳහා, ධනාත්මක ආකල්ප, සහ නියමිත වෛද්‍ය ප්‍රතිකාර සහ සෞඛ්‍ය සම්පන්න ජීවන රටාවක් අනුගමනය කරන්න”

#cough #Healthcare #myfamily #tuberculosisandpregnancy

The post ක්ෂයරෝගය යනු කුමක්ද? appeared first on mummypages.lk-Pregnancy and Parenting.

“ගර්භණී අවස්ථාවේදී දුම්පානය නවත්වන්න.  ඔබේ සහකරුගෙන් ද දුම්පානය නවත්වන ලෙස ඉල්ලා සිටින්න”

ඔබේ ගර්භයේ සිටින බබාට දුම්කොළ වලින් නික්මෙන දුම ඉතා අහිතකර වේ.  සිගරට්, සුරුට්ටු සහ පයිප්ප දුම්වල 7,000 කට වඩා රසායනික ද්‍රව්‍ය අඩංගු වේ.  ඔබේ බබාව දුම්කොළ වලින් නික්මෙන දුමෙන් ආරක්ෂා කිරීම ඔබේත්, ඔබේ සහකරුගේත් වගකීමකි.  ඔබ සිගරට් දුම උරන සෑම වාරයකදීම ඔබේ බබාගේ හෘද ස්පන්දනය ඉතා දැඩි වන බව ඔබ දන්නවාද?  එයට හේතුව ඔබ සිගරට් දුම උරන වාරයක් පාසා, ඔබේ බබාට ඔබෙන් යන ඔක්සිජන් ප්‍රමාණය ඉතා අඩු මට්ටමක පවතින නිසයි.

ඉතා ඉක්මනින් දුම්බීම නැවැත්වීම ඔබටත්, ඔබේ බබාටත් හිතකර වේ.  එවිට ඔබේ ගර්භණී භාවයට ඇතිවිය හැකි ව්‍යාකූලත්වය අඩුවන අතර, ගබ්සා වීම්, මළ දරු උපත්, නොමේරූ දරු උපත්, හදිසි ළදරු මරණ (Sudden Infant Death Syndrome – SIDS) සහ උපත් බර අඩුවීම් ආදී අවදානම් තත්ත්ව අඩු කර ගත හැකිය.

ඔබ කලින් දුම්පානය කළ අයෙක් නම්, අමතර උදව්වක් නොමැතිව එම පුරුද්ද අත්හැරීම අපහසු විය හැක.  මේ පුරුද්ද සම්පූර්ණයෙන් නැති කිරීම විශේෂඥ උදව් මගින් කළ හැකි බව වාර්තා පෙන්වා දෙයි.  මේ පිලිබඳ ඔබේ වෛද්‍යවරයාගේ සහය පතන්න.

ඔබ දුම් පානයෙන් පිටවන දුම්වලට නිරාවරණය වන්නට එපා

ඔබ දුම්පානය නොකළත්, අන් අය පිට කරන සිගරට්/සුරුට්ටු/පයිප්ප දුම් වලට ඔබ නිරාවරණය වීම හෙවත් එම දුම් ඔබ ආඝ්‍රානය කිරීම ද, ඔබේ බබාට ඉතා අහිතකර වේ. ඔබේ සහකරුගේ හෝ ඔබේ නිවසේ/රැකියාව කරන ස්ථානයේ වෙනත් කෙනෙක් දුම් පානය කරන්නේ නම්, එම දුම ඔබේ බබාට, ඔහු/ඇය ඉපදීමට පෙර හෝ පසු බල පෑ හැකිය. අවුරුදු 15ට වැඩි පිරිමින්ගෙන්, 25%ක් ශ්‍රී ලාංකිකයන් දුම් බොන්නන් බව ලෝක බැංකු දත්ත වලින් පෙන්වා දෙනු ලැබේ. මෙයින් පෙන්වා දෙන්නේ, ඔබේ නිවසේදී හෝ රැකියාව කරන ස්ථානයේදී ඔබ දුම් පානය කරන්නෙකුගේ දුම් වලට බඳුන් වන බවයි.  එසේ අන් අයෙකුගේ දුම් වැටියකින් පිටවන දුම ඔබට ආඝ්‍රාණය වේ නම්, නොමේරූ දරු උපතකට, මළ දරු උපතකට, උපත් බර අඩු දරු උපතකට, හදිසි ළඳරු මරණයකට හෝ සෙංගමාලය, ලේ අඩුකම සහ පෙනහළු රෝග වැනි  අලුත උපන් දරුවාගේ සෞඛ්‍ය ගැටළුවකට  ඔබට මුහුණ පෑමට සිදු විය හැක.

දුම් පානය කරන දෙමව්පියන්ගේ දරුවන්,  වයස මාස 18ක් වැනි කාලයක් තුල හදිසි ළඳරු මරණයකට, ශ්වාසනාළිකා ප්‍රදාහය, නිව්මෝනියාව සහ ඇදුම වැනි රෝගයන්ට මැදිහත් විය හැක.  එසේම, ඔවුන්ට සෙම්ප්‍රතිශ්‍යාව, කැස්ස සහ ශ්‍රවනේන්ද්‍රියන් සම්බන්ධ රෝග ආදී රෝගයන්ට මුහුණු පෑමට ඇති අවදානම, දුම් පානයට නැඹුරු නොවූ දෙමව්පියන්ගේ දරුවන්ට වැඩි වේ.  ඔබට ඔබේ ආදරණීය බබාට මෙවැනි  අවස්ථාවකට  මුහුණ පෑමට ඉඩ දිය හැකිද?

එය තවමත් ප්‍රමාද වැඩි නොවේ. ඔබ ගර්භණී අවස්ථාවේ සිටින විට, ඔබ ඉක්මනින් දුම්පානය නැවත්වුවහොත්,  ඔබේ බබාට  නීරෝගී වර්ධනයක් ඇතිවීමට ඇති හැකියාව ඉතා අධිකය.  ඔබේ නිවසේ වෙසෙන අයෙක්, ඔබේ රැකියා ස්ථානයේ අයෙක් හෝ  ඔබ සමඟ එකම රථයේ ගමන් කරන අයෙක් දුම්බීමට ලැහැස්ති වේනම්, ඔවුන්ට  එම ස්ථානයෙන් පිටතට ගොස් දුම්පානය කිරීමට සලස්වන්න.  එවිට ඔබට ඔවුන් පිටකරන දුමාරය ආඝ්‍රණය නොවේ.  ඔබේ ගර්භණී අවස්ථාවේ අවසන් අදියරේදී හෝ  ඔබ මෙම දුම්පානයෙන් හෝ දුම් වැටී වලින් නික්මෙන දුමාරයෙන් වැළකේ නම්, එමඟින්ද, ඔබේ සහ ඔබේ බබාගේ සෞඛ්‍ය පිළිබඳ සෑහෙන හොඳ ප්‍රතිචාරයක් ඇති කරනු ලැබේ.

#pregnancytime #damagetocigarettesmokeduringpregnancy #badhabit #mother #mothercare

The post ගර්භණී අවස්ථාවේ දී සිගරට් දුම් වලින් සිදුවන හානි appeared first on mummypages.lk-Pregnancy and Parenting.

ශරීරය කැසීම – මුහුණ රතු වීම සහ රතු පාට පලු ශරීරයේ සැණින් ඇතිවීම, තොල් ඉඳිමීම, දිව සහ මුඛය කැසීමට පටන් ගැනීම ආහාර අසාත්මිකතාවයක් නිසා ඇතිවන රෝග ලක්ෂණ වේ. 

• ඉඳිමීම – මුහුණ, අත් සහ බෙල්ල එකවිට ඉඳිමීම සිදුවේ.
• යටිබඩේ දැඩි වේදනාව –  වේදනාව, වමනය සහ බඩඑළිය යාම සිදුවේ
• වමනය – වමනය ඇති විය හැක.
• හුස්මගැනීම – නාසයෙන් සොටු දියර ගැලීම, හුස්ම ගැනීමට ඇති අපහසුතාව, ඇදුම මෙන් තදින් හුස්ම ගැනීම, කැස්ස සහ කෙටි හුස්ම ඇති වීමද සිදු විය හැක.
• ක්ලාන්තගතිය ඇති වීම – ක්ලාන්ත ගතිය ඇති විය හැක
• අසංරක්ශාත්වය – මෙය නිසා ඉහත සඳහන් රෝග ලක්ෂණ 2ක් සමඟ හුස්ම ගැනීමේ අපහසුතාවයක්, ක්ලාන්ත ගතියක් ඇති වීම සහ මරණයට පවා පත් විය හැකිය.

ඔබේ දරුවා ආහාරයක් ගැනීමෙන් පසු ඉහත සඳහන් රෝග ලක්ෂණ ඇති වේදැ’යි සුපරීක්ෂාකාරී වන්න.  නමුත් ඉහත සඳහන් රෝග ලක්ෂණ සැමවිටම පෙන්නුම් කරන්නේ ආහාර අසාත්මිකතාවයක් නිසාම නොවෙන බවත් සිහි තබා ගත යුතුය.  සමහර විට ඉහත සඳහන් රෝග ලක්ෂණ නරක් වූ ආහාර නිසාද ඇති විය හැක. මෙම රෝග ලක්ෂණ දුටු වහාම එකවර කලබල නොවී, වහාම වෛද්‍ය ප්‍රතිකාර ලබා දෙන්න.

දරුවාගේ ශරීරයට ආහාර අසාත්මිකතාවය නිසා ඇතිවනබලපෑම

ආහාර අසාත්මිකතාවය නිසා ශරීරයේ විවිධ අවයවවල ප්‍රතික්‍රියා ඇති වේ.

• ශ්වසන මාර්ගය
• ආහාර ජීර්ණ පද්ධතිය
• සම
• කන්තුක වාහිනී පද්ධතිය

ආහාර සම්බන්ධ අසාත්මිකතාවය

ඔබේ දරුවාට අසාත්මිකතාවයන් ඇති කරන ආහාර වර්ග දෙමව්පියන් හඳුනා ගෙන සිටීම යෝග්‍ය වේ.  පහත සඳහන් ආහාර වර්ග, සමහර ළමයින්ට අසාත්මිකතාවයන් ඇති කරනු ලැබේ.

• කිරි
• බිත්තර
• රටකජු
• සෝයා
• තිරිඟු
• මාළු
• පිටත කට්ට සහිත මත්ස්‍යයින් (ඉස්සන්, කකුළුවන් වැනි)
• ගෙඩි වර්ග (කජු, හේසල් ගෙඩි යනාදිය )

ශ්‍රී ලාංකික ළමයින්ට ඉහත සඳහන් ආහාර ද්‍රව්‍ය මගින් අසාත්මිකතාවය ඇති වේ.  කිරි වැනි දේ වලින් සමහරවිට, යම් අසනීපයකින් දරුවා පෙළුණු පසු අසාත්මිකතාවයක් ඇති විය හැකිය.  නමුත් එය ස්ථිරව පවතින අසාත්මිකතාවයක් නොවේ.

සමහර රසකැවිලි වර්ග වලට භාවිතා කරන ආහාර වර්ණකද, ළමයින්ට අසාත්මිකතාවයන් ඇති කළ හැක.  බොහෝ විට ආහාර අසාත්මිකතාවයන් ඇති වන්නේ දරුවන් වැඩිහිටියන් බවට පත්වූ පසුවය.

දරුවන් යම් ආහාරයක් පරිභෝජනය කරන විට, ආහාර අසාත්මිකතාවයන් නිසා ඇතිවන ඉහත සඳහන් රෝග ලක්ෂණ පිලිබඳ දැනුවත් වන්න.  එසේම, තම දරුවන් කුමන ආහාර වර්ග වලට අසාත්මිතාවයන් පෙන්නුම් කෙරේදැ’යි දැනගත යුතු අත්‍යවශ්‍ය කරුණකි.  එමෙන්ම දරුවා පෙර පාසැල් යාමට පටන් ගත් පසු, තම දරුවා කුමන ආහාර වර්ග වලට අසාත්මිකතාවයන් පෙන්නුම් කෙරේදැ’යි එහි ගුරුවරුන් දැනුවත් කරන්න.  එසේම තමා දරුවාට එවන ආහාර පමණක් ආහාරයට දෙන ලෙසත් ඔවුන්ට පැහැදිළි  කර කියා දෙන්න.

කිසිවිටක දරුවා ගන්නා ආහාර කෙරේ ඕනෑවට වඩා ප්‍රතිචාර දක්වන්න එපා.  අනවශ්‍ය සීමා කිරීම් දරුවා කෙරේ පනවන්න එපා. නමුත් ආහාර අසාත්මිකතාවය කෙරේ සැළකිලිමත් වන්න

#childhealth #foodcare #goodfood #childfood #childcare #knowyourparents

The post ආහාර අසාත්මිකතාවයක් යනු කුමක්ද? appeared first on mummypages.lk-Pregnancy and Parenting.

ඔබේ දරුවාට ඒ සමඟ සටන් කිරීමට උගන්වන්න.

ජනිත් ගෙවත්තේ සෙල්ලම් කිරීමට ඉතා කැමතියි.  ඔහු පස්වලින් කෝම්පිට්ටු සාදන අතර, පස්වල සිටින ගැඩවිල්ලන් ඇල්ලීමට ද පසුබට නොවෙයි.  ඔහු නිවසට ඇතුල්වීමේ දී, ඔහුට ඇසෙන්නේ “පුතා, අත් දෙක සෝදාගන්න” කියා අම්මා කෑ ගසන හඬයි.  මෙය ඉතා කාර්යබහුල සරත්ට දරා ගත නොහැකි කරදරයකි.

ඔහුගේ අම්මා නිවැරදි බැව් ඔබ දන්නවා නේද?  ඒ මොකද? අසනීප වලින් වැළකීමට ඉතා හොඳම ක්‍රමය අත් සෝදා හොඳින් පිරිසිදු කර ගැනීමයි.

ළමයින්ට විෂබීජ ඇසට පෙනෙන, අතින් ඇල්ලීමට හෝ ශරීරයට දැනෙන දෙයක් නොවේ.  එසේ නම්, අපි අපේ දරුවන්ට විෂබීජ වලින් වැළකීම පිළිබඳව උගන්වන්නේ කෙසේද?

      1. ඔවුන් දැනුවත් කරන්න

මේ ඉතා පහසු ක්‍රමය මඟින් ඔබේ දරුවන්ට විෂබීජ යනු කුමක්දැ‘යි පහදා දෙන්න

විෂබීජ ඉතා කුඩා, ඇසට නොපෙනෙන ජීවීන් විශේෂයක් වන අතර, ඔවුන් අප වටා ඇති සෑම තැනකම ඇත.  එනම්, පස්, වැසිකිළි, සෙල්ලම් පිට්ටනි, පාසැල්, සතුන් සහ පැලෑටි මත, මිනිසුන්ගේ ශරීරයේ ද,  ඇත.  ඔවුන් ඉතා කුඩා ක්ෂුද්‍ර ජීවීන් වන අතර, අපේ ඇසට නොපෙනේ.

නමුත්, ඔවුන්ට අපේ ශරීරය තුළට රිංගා, මොළය, හදවත, පෙනහළු සහ වකුගඩු යන ස්ථානවල පවා නොයෙකුත් ලෙඩ රෝග පැතිරවීමට හැකියාව ඇත.  විෂබීජ මඟින් සාමාන්‍ය උණ, කැස්ස, සෙම්ප්‍රතිශ්‍යාව, ඇස් රෝග, දද  කුෂ්ඨ ආදියද ඇති කළ හැක.   ඔවුන්ට  අපව  රෝගී කර, අපව ඇඳ මත තැබීමට පවා හැකියාව ඇත.

      2. විෂබීජ අපව ආක්‍රමණය කරන්නේ කෙසේද?

ඔවුන් අපට ඇසට නොපෙනෙන බැවින්, නොසේදූ පළතුරු, පිරිසිදු නොකළ අත් සහ සෙල්ලම් බඩු  මාර්ගයෙන් ඔවුන් අපේ මුඛය හරහා ශරීරයට ඇතුල් වේ.   ඉන්පසු ඔවුන් අපේ ශරීරය පුරා ව්‍යාප්ත වන අතර, අප රෝගී වූ විට පමණක් ඔවුන් අප ශරීරය තුළට ඇතුල් වී ඇති බැව් අපට දැනගත හැක.

      3. අත්‍ සේදීමේ වැදගත්කම

අත් සේදීමේ වැදගත්කම ඔබේ දරුවන්ට පුරුදු පුහුණු කරන්න.  ඔවුන්ට එය කිරීමට අණ කිරීමෙන් පමණක් නොනැවතී, ඔවුන් නිරතුරුව අත් සෝදනවාදැ’යි සුපරීක්ෂාකාරී වන්න.   එවිට ඔවුන් :

• අත් අපිරිසිදු වූ විට
• ආහාර ගැනීමට පෙර – පළතුරු වැනි දේ ඇල්ලීමට පෙර
• වැසිකිළියට ගිය විට
• කිඹුහුම් (කිවිසුම්) ගිය විට හෝ කැස්ස ඇති වූ විට
• සතුන් සමඟ සෙල්ලම් කළ විට
• අසනීපයෙන් පෙළෙන කෙනෙකු බැලීමට ගොස් පැමිණි විට
• එළියේ සෙල්ලම් කළ පසු

අත් සේදීමට පුරුදු වේ.

අත් සේදීම වැනි ඉතා සුළු දෙයකින්, බොහෝ ලෙඩ රෝග වලින් ආරක්ෂා විය හැක.  කුස්සියේ සහ වැසිකිළියේ විෂබීජ නාශකයක් තබන්න.  මෙය විනෝදය සඳහා යොදා ගන්න; කෑමට පෙර හොඳින් අත් සෝදා ගත්  දරුවන්ට තෑග්ගක් පිරිනැමීමෙන් ඔවුන් අත් සේදීමට ඉතා කැමැත්තෙන් නැඹුරු කරවිය හැක.

      4. හොඳින් අත් පිරිසිදු කරන අයුරු ඔවුන්ට පෙන්වන්න

දරුවන්ට හොඳින් අත් සෝදන  අයුරු පෙන්වන්න. බොහෝ විට, කුඩා දරුවන් අත් සේදීම කරනුයේ, විනාඩි කීපයක් ජලනලයට අත් අල්ලා සිටීමෙන් පමණකි.  එමනිසා, ඔවුන් හොඳින් අත් සෝදා ගන්නේදැ’යි පරීක්ෂා කරන්න.

      5. දරුවන්ට විෂබීජ වලින් ආරක්ෂා වන අයුරු උගන්වන්න

අයාලේ යන බල්ලන් ඇල්ලීමෙන් සහ නොසේදූ පළතුරු කෑමෙන් සිදුවන අවදානම් තත්ත්වය දරුවන්ට උගන්වන්න.

      6. ශක්තිමත් ප්‍රතිශක්තිකරණ පද්ධතියක් ඇති කර ගැනීම සඳහා සමතුලිත ආහාර

දරුවන්ගේ ප්‍රතිශක්තිකරණ පද්ධතිය ශක්තිමත් වීමෙන් බැක්ටීරියා විනාශ කළ හැකි අන්දමත්, ඒ සඳහා අවශ්‍ය පෝෂණය ලැබීමට නම්, සමබර ආහාර ලබා ගැනීමේ වැදගත්කම පිළිබඳව දරුවන් දැනුවත් කරන්න.

විෂබීජ පැතිරෙන අයුරු දරුවන්ට කියා දීමට හැකි විනෝදජනක ක්‍රියාකාරකමක් :

1. ඔබේ එක් අතක් දියරයකින් පොඟවන්න. ඔබේ අත්ල මතට දිලිසෙන කුඩු වර්ගයක් දැමීමට දරුවන්ට කියන්න.  එම දිලිසෙන ද්‍රව්‍ය අත පුරා  පැතිරෙන අයුරු පෙන්වන්න.
2. අත්පුඩි ගසන්න – එය අනිත් අතට පැතිරෙන අයුරු පෙන්වන්න
3. එය පත්තර කැබැල්ලකින් පිස දමන්න – නමුත් එය තවමත් තිබෙනවා නේද?
4. එම දිලිසෙන ද්‍රව්‍ය යනු විෂබීජ ලෙස පෙන්වන ද්‍රව්‍යයයි. මෙය කොපමණ ඉක්මණින් අවට පැතිරෙනවාද කියා දරුවන්ට පෙන්වන්න.

විකෘති ලෙස හැසිරෙන්න එපා. දරුවන් එය අනුකරණය කරමින් සෙල්ලම් කිරීමට පටන් ගනීවි.  ක්‍රමයෙන් විෂබීජ වලින් වැළකීම සඳහා අත් සේදීමේ වැදගත්කම පහදා දීමෙන් ඔබට ඉතා නීරෝගී සහ කෙළිලොල් දරුවෙක් ලබා ගත හැක.

#helthcare #babycare #motherkids #germs #

The post විෂබීජ ! appeared first on mummypages.lk-Pregnancy and Parenting.

ඔබේ බබාලාගේ සෞඛ්‍ය සහ ඔවුන්ට එම පුරුදු පුහුණු කිරීම ශ්‍රී ලාංකික දෙමව්පියන්ට ඇති අමිහිරි අත්දැකීමකි! 

විශේෂයෙන් කුඩා දරුවන් ඒ සඳහා මුහුණ දෙන්නේ ඉතා අකමැත්තෙනි..  කෙසේ වෙතත්, බබාලාව සෞඛ්‍ය සම්පන්නව තැබීම සඳහා ඔවුන්ට හොඳ පුරුදු පුහුණු කළ යුතුය.  නමුත්, දරුවන්ගේ විදුරුමස පිරිසිදු කිරීම, නියපොතු කැපීම, වියළි සම සුමුදු කිරීම සහ ඔවුන්ව නෑවීම කළ යුත්තේ කෙසේද?  ඔබේ බබාලාව ඔවුන්ගේ හිසේ සිට දෙපතුල දක්වා පිරිසිදු කරන්නේ කෙසේද?

නියපොතු කැපීම

බිළිඳුන්ගේ නියපොතු කැපීම ඉතා සීරුවෙන් කළ යුතු කාර්යයකි.   බොහෝ දෙමව්පියන් මේ සඳහා පාවිච්චි කරන්නේ ඉතා කුඩා, මෘදු කතුරකි.  මේ සඳහා බබාලා නිදි අවස්ථාවේ කිරීම මැනවි.

නෑවීම

• මේ වෙලාවේ ඔවුන් කැමති සෙල්ලම් බඩු සහ සින්දු කීමෙන් ඔවුන් විනෝදමත් කරන්න.
• බබාලාගේ මුහුණ, ශරීරය සහ ඩයපරයෙන් වැසෙන කොටස පිරිසිදු කර, හොඳින් වියළා ගන්න. නිතරම බබාලාව සම්පූර්ණයෙන් නැවීම සිදු කළ යුතු නැත.  එමනිසා, තෙත රෙද්දකින් පිස දමා, හොඳින් පිරිසිදු කර ගන්න.
• තවමත් බිළිඳුන්ගේ නාභියට සම්බන්ධ රැහැන වැටී නොමැති බබාලාගේ, එම ස්ථානය පිරිසිදුව තබා ගැනීම අවශ්‍යය. බබාව නෑවීමෙන් පසු එම ස්ථානය හොඳින් වියළා ගත යුතුය.
• ඔබේ බබාව නැවීමට පෙර ඔහුගේ/ඇයගේ ශරීරයේ උෂ්ණත්වය මැනීම අනිවාර්ය වේ.
• ඔබේ බිලිඳාව සේදීමේ දී, එක අතකින් ඔහුව/ඇයව හොඳින් අල්ලාගෙන, අනිත් අතින් සේදීම කළ යුතුය.
• ඔවුන්ගේ මෘදු සම ඉතා තදින් අතුල්ලන්න එපා.
• සාමාන්‍යයෙන් අලුත උපන් බිළිඳුන් නිතරම නෑවීම අවශ්‍ය නැත. මාස කිහිපයක් යනතෙක් දිනපතා, ඔවුන්ගේ මුහුණ, අත් සහ ඩයපරයෙන් වැසෙන ශරීර කොටස හොඳින් පිරිසිදු කිරීම කළ යුතුය.

බබාගේ සම

• කුඩා බිලිඳුන්ගේ සම කුෂ්ඨ රෝග සෑදීම සඳහා ඉක්මණින් නැඹුරු වන බැවින්, ඔවුන්ට සැමවිටම මෘදු රෙදි වලින් මැසූ ඇඳුම් ඇන්දවීම යෝග්‍යය.
• බිළිඳුන්ගේ රෙදි සේදීම සඳහා මෘදු රෙදි සෝදන කුඩු වර්ගයක් පාවිච්චි කළ යුතුය. නැතහොත්, ඔවුන්ගේ සමේ විවිධ රෝග මතුවීමට ඉඩ ඇත.
• බබාව නෑවීමෙන් පසුව මෘදු සමට ගැලපෙන ලෝෂන් ස්වල්පයක් ඔහුගේ/ඇයගේ ශරීරයේ තවරන්න.

මුඛය පිරිසිදු කිරීම

බිළිඳාගේ මුඛය පිළිබඳ ඉතා හොඳ අවධානයක් යෙදවිය යුතු අතර, මුඛයේ දත් ඒමට පෙර මුඛය පිළිබඳ සැලකිලිමත් විය යුතු වේ.  දරුවන්ගේ දත්වල කුහර කුඩා කළ සිටම ඇතිවීම වර්තමානයේ පෙනෙන්නට ඇති ඉතා සුලබ දසුනකි.  පිරිසිදු, තෙත් මෘදු රෙදි කඩකින් හෝ පුළුන් වලින් දරුවාගේ දතේ විදුරුමස, කිරි දීමෙන් පසු සැමවිටම හොඳින් පිරිසිදු කරන්න.

හිසකෙස් පිළිබඳ

බොහෝ ශ්‍රී ලාංකික දෙමව්පියන්ගේ දරුවන් ඉපදෙනවිට,  ඔවුන්ට ඝන කොණ්ඩයක් තිබීම සුවිශේෂී දර්ශනයකි.

• දරුවාගේ කොණ්ඩය කැපීම දහවල් කාලය තුල දී, දරුවා නින්දේ සිටියදී කළ යුතුය
• රේසර් තලයක් යොදා නොගෙන, ඒ සඳහා කුඩා කතුරක් භාවිත කරන්න
• දරුවාගේ කොණ්ඩය කැපීමෙන් පසුව, ඔහුව/ඇයව උණුසුම් ජලයෙන් නහවන්න

දරුවාගේ කුඩා කාලයේදීම ඔහුට සෞඛ්‍ය පිළිබඳ හොඳ පුරුදු පුහුණු කිරීමෙන් කිසිවෙකුට අවැඩක් සිදු නොවෙන බව මට විශ්වාසයි!

#babyhealthy#Howtokeepyour #newbornbabyhealthy #newbornbaby #howtokeepyournewbornbabyhealthy\

The post අලුත උපන් බිලිඳුන්ව සෞඛ්යම සම්පන්න ලෙස තබා ගන්නේ කෙසේද? appeared first on mummypages.lk-Pregnancy and Parenting.

” අම්මා, පුතාට ආයෙත් උණ ගැනිලා.   එයා කෑම කන්නෙත් නැහැ, මොනවත් බොන්නෙත් නැහැ.  අනේ මම දන්නේ නැහැ, මොනවා කරන්නද කියල” කියමින් පියුමි සිය මවට  දුරකථනයෙන් කතා කර ශෝකයෙන් කිව්වා.   ඇගේ පුතා, සුනෙත්ට, දැන් දින තුනක් පාසැලට යන්නට නොහැකි වී තිබෙනවා.

මේ කරදරකාරී ආසාදන නිසා ඔබේ දරුවා කොපමණ වාරයක් පාසැල් නොගොස්  තිබේ ද ? කොපමණ වරක් සාමාන්‍ය ප්‍රතිජීවක දීමට ඔබේ දරුවාව වෛද්‍යවරයා වෙත රැගෙන ගොස් ඇති ද?  ඔබ කවදා හෝ ඔබ වෛද්‍යවරයා වෙත දරුවන් සමඟ නිතර යාම ඉවත් කරගත හැකි ආකාරය කල්පනා කර තිබෙනවාද ? නියත වශයෙන්ම, දිනකට ඇපල් ගෙඩියක් කන්නට දීමෙන් වෛද්‍යවරුන් වෙත නොගොස් සිටීමේ  උපක්‍රමය හරි ගිහින් නැහැ වගෙයි. (Eat an apple a day – to keep the doctor away)

දරුවන් තුළ ඇතිවන පොදු ආසාදන වලට පිළියම් :

• නිතර වැළඳෙන සෙම්ප්‍රතිශ්‍යාව – සාමාන්‍යයෙන් වැළඳෙන සෙම්ප්‍රතිශ්‍යාව යම් කාල සීමාවක් තුල ශරීරයේ තිබෙන ප්‍රතිශක්තිය මගින් සුව වන බව සැලකේ. කෙසේ වෙතත්, මෙම  රෝග ලක්ෂණ වලින් දරුවාව නිදහස් කිරීම සඳහා, සාමාන්‍ය සේලයින් බිංදු කීපයක් දරුවාගේ නාස්පුඩුවල තැවරිය හැක.

• පාචනය – නිතර ඇතිවන දියරමය බඩඑළිය යාම, බඩේ අමාරුව, ඔක්කාරය සහ උණ, පාචනය රෝගයේ පොදු රෝග ලක්ෂණ වේ. දරුවා විජලනය වීමෙන් ආරක්ෂා කර තබා ගැනීම සඳහා, මේ කාලය තුළ දී දියර වර්ග වැඩි වශයෙන්  පානය කිරීමට සැලැස්වීම ඉතා වැදගත් වේ.  එය සාමාන්‍යයයෙන් ඉබේ හොඳ වන  අතර, එය දැඩි අයුරින් සහ දිගුකල් පැවතින,  රුධිරය සහිත ශ්ලේෂ්මල සහිත පාචන තත්ත්වයක් ඇත්නම් සහ උග්‍ර  උදර වේදනාවක් සහිත නම්, වහාම  වෛද්‍යවරයෙකු වෙත යාම  සෑම විටම ඉතා යෝග්‍ය  වේ.

• උණ –  සාමාන්‍යයයෙන්, උණ මනින්නේ, උණ කටුව දිව යට තබා නම්, ෆැරන්හයිට් 99,5 °  (හෝ සෙන්ටිග්‍රේඩ්  37.5 °) හෝ ගුදය තුල උණ කටුව තබා නම්,  100,4 ° F  (38 ° C)  සහ අත යට තබා නම් 99 ° F ( 37.2 ° C) යනුවෙනි.  කෙසේ වෙතත්, උණ පෙන්නුම් කරන්නේ ඉන්ෆ්ලුන්සා රෝගයද විය හැක.   කෙසේවෙතත්, සාමාන්‍ය උණ ඇති අවස්ථාවක, ඔබේ දරුවා සැහැල්ලු ඇඳුම් හැඳ සිටිය යුතු අතර, ඔහුව  හෝ ඇයව  හැම විටම විජලනය වීමෙන් ආරක්ෂා කළ යුතුය.  මේ සඳහා ඔවුන් කැමති අයුරින්  ජලය, පලතුරු යුෂ, සුප් හෝ ඔවුන් කැමති ඕනෑම දියර වර්ගයක් ලබා දිය යුතුය.  මේ ද්‍රව්‍යයන් ඇඳ මත තබා ගත් විට, ඒවා ගැනීම සඳහා නිවසේ එහා මෙහා දිව යාම අවශ්‍ය නොවේ.  උණ ඉතා දිගු කාලයක් තිබේ නම්,  වහාම වෛද්‍යවරයා හමුවන්න.  මේ රෝග ලක්ෂණ සමහර විට මාරාන්තික  ඩෙංගු උණ රෝග ලක්ෂණයක් විය හැකිය. එවැනි ගැටළු නිරාකරණය කිරීම සඳහා ශ්‍රී ලංකාවේ නොයෙකුත් ආරෝග්‍ය ශාලා ඇත.

• ඇසේ ඇතිවන නගන – ඔබේ දරුවාගේ ඇසේ ඉහළ ඇස් පිහාටුවේ හෝ පහළ ඇස් පිහාටුවේ ඇතිවන  වේදනාකාරී නගන ඇතිවීම සිදු වන්නේ ඇස්වල ඇති තෙල් ග්‍රන්ථි අවහිර වීම නිසාය.    මේ සඳහා ඇල්මැරුණු (උණුසුම්) ජලය පිරිසිදු රෙදි කඩකින් පොඟවා, නගන ඇති ස්ථානය සෙමින් පිසදා හැරිය හැක.  කෙසේ වෙතත් දැඩි අවස්ථාවල දී, වහාම ඔබගේ වෛද්‍යවරයා හමුවීවට වග බලාගන්න.

ශ්‍රී ලාංකික ළමුන්ට ආසාදන ඇතිවීම පොදු දෙයක් වන අතර, එය ඔබේ දරුවාගේ සෞඛ්‍යයට බලපාන විට, ඔබ ඉතා සැලකිලිමත් විය යුතුය.  ඒ නිසා ඔබේ දරුවන් ආසාදන වලින් නිදහස්  වීම  තහවුරු කිරීම සඳහා ගත හැකි යම් පියවර කිහිපයක් මෙහි සඳහන් වේ.

• ආසාදිත පුද්ගලයින්ගෙන් ඈත් වී සිටින්න.  වෛරස්  හා බැක්ටීරියා ආසාදන ස්පර්ශයෙන් බෝවෙන රෝග වේ.  ඔබේ දරුවාට අසනීප වලින් පෙළෙන කෙනෙකුගේ කෝප්පයක් හෝ ආහාර අනුභව කරන භාජන පාවිච්චි කිරීමට ඉඩ හරින්න එපා.  ඔබේ දරුවා ආහාරයට ගන්න කෑම වර්ග සියල්ලක්ම පිරිසිදු සහ ආරක්ෂාකාරී විය යුතුය. බීමට ගන්න ජලය පවා එසේ විය යුතුය.

• හොඳ සනීපාරක්ෂක පුරුදු සෑමවිටම ආසාදන වලින් වැලකී සිටීමට ඉවහල්වේ. වැසිකිලි යාමෙන් පසු, විශේෂයෙන් කෑම වේලකට පෙර, හොඳින් අත් සෝදන්නත්, නිදාගැනීමට පෙර හොඳින් අත පය සෝදා ගැනීමටත් ඔබේ දරුවන්ට උගන්වන්න.

• ඔබේ නිවස පිරිසිදුව තබා ගන්න. හොඳ නිවසක් සෑමවිටම සෞඛ්‍ය සම්පන්න දරුවන් සහතික කරයි.

ඔබේ දරුවන්ගේ නීරෝගී භාවය වෙනුවෙන් සෑමදෙයකටම වඩා ප්‍රමුඛත්වය දිය යුතු බව අවිවාදයෙන් තොරව පිළිගත යුතුය.  සෞඛ්‍ය සම්පන්න ජීවන රටාවක් පවත්වා ගැනීමට ඔබේ කුඩා දරුවන්ට ඉගැන්වීම තරුණ වයසේ සිටම කළ යුතු දෙයකි.  ඔවුන් තම නීරෝගිභාවය රැකීම සහතික කිරීම, දෙමව්පියන් වශයෙන් ඔබගේ වගකීමකි. හොඳ පුරුදු නිවසේ සිට ආරම්භ කරන්න, මතක තබා ගන්න.

#frequentlyabatedcommoncold #cold #Infeccionesoculares

The post බෝවෙන රෝගවලට එරෙහිව සටන් කරන අයුරු appeared first on mummypages.lk-Pregnancy and Parenting.

මතට ලොල් නැති මනස  

යම් අයෙක් ඔබට මෙසේ පවසනවානම්, “මත්පැන් හෝ මත්ද්‍රව්‍ය බිමට ඔබට ශක්තියක් නැතිනම් ඔබ කොන්ද පණනැති පිරිමියෙක්” යැයි නමුත් මතට ලොල් නැති ඔබට කිව හැක. “ මත්පැන් නොබොන මගේ සිතත් කයත් දෙකම ඔබලාට වඩා ශක්තිමත් බව”. ඔබට පුළුවන් මෙසේ ජීවිතය විනාශ කරගත් අයට පිළිසරණක් වීමට. ඔවුන්ට මෙයින් සිදුවනවිනාශය පහදා දෙන්න.අද බොහෝ තරුණ ජිවිත විනාශ වී යන්නේ මත් රකුසාට හසුවීමෙනි.

මත්ද්‍රව්‍ය ගැනීමෙන් ඔබ පියවරෙන් පියවර නොදැනුවත්වම රෝගී වනබව ඔවුන්ව දැනුවත් කරන්න. අද කිදාහක් දෙමාපියන් තම පුතා හෝ සහෝදරයා නැතිනම් ස්වාමිපුරුෂයා මත් මතින් ගලවා ගැනීමට නොහැකිව ලතවෙනවද?

දන්නවද අද දුම්කොළ අඩංගු නිෂ්පාදන භාවිතා කිරීම නිසා ලොව ඇති මාරාන්තික රෝග ගණනාවකට මුහුණ දීමට සිදුවී ඇත. 50%පමණ අද මිය යන්නේ දුම්කොළ භාවිතය නිසා ඇති වන රෝග වලිනි. දුම්කොළවල ශරීරයට අහිතකර විෂ සංඝටක වර්ග 43ක් ඇති බව ඔබ දන්නවද?

අද අපේ පුංචි රටේ මිනිසුන් සිගරට් සදහා දවසකට වැයකරන මුදල රුපියල් මිලියන 227 [කෝටි 23]කි. ඒ වගේම දිනකට දුම්පානය නිසා මියයන මිනිසුන් ගණන 50-60 අතර වේ.

අද අප ර‍ට තුල සංසරණය වන මත්ද්‍රව්‍ය ඔබ හදුනනවද?

ගංජා, අබිං, හෙරොයින්, බාබුල්, බීඩි, මදන මෝදක, නිදිපෙති සහ අධි මාත්‍රාව යටතේ අනුමැතියකින් තොරව ලබාගන්නා සිරප් වර්ග. මේ ඕනෑම දෙයකට හුරුවූ අයෙක් සිතන්නේ මේ තරම් සැපක් තව කොහෙද කියාය. මේ රස ඔවුන් අන් අයට හුරුකිරීමට පෙලබෙයි. නමුත් මෙයින් තමන්ගේ ශරීරයදිනෙන් දින විනාශ වනබව ඔවුන් නොදනී.

මත් ද්‍රව්‍ය ගැනීම නිසා පවුලකට සිදුවන හානි :

• ශාරීරික ප්‍රශ්න
• මානසික ප්‍රශ්න
• සමාජීය ප්‍රශ්න
• ආර්ථික හා රැකියාමය ප්‍රශ්න

මතට ඇබ්බැහි වූවකු දිනෙන් දින ඔවුන් ගන්නා ද්‍රව්‍ය වල ප්‍රමාණය වැඩිකරගන්නවා මිස අඩු කර නොගනී. අවසානයේදී ඔවුන් නොදැනුවත්ම යම් යම් රෝග වලට හසුවේ.

දුම්කොළවල ඇති විෂ වර්ග ඔබ හදුනනවාද?

• නිකොටින්– ඇබ්බැහිවීම වැඩි කරයි.
• ඇමෝනියා – පිරිසිදු කාරකයක් ලෙස යොදාගනී.
• අසිටෝන් – සායම් සහ නිය පිරිසිදු කිරීම සඳහායොදාගනී.
• ආසනික් – කෘමිනාශක අඩංගු වේ.
• කාබන් මොනොක්සිඩ් – වාහන වලින් පිටවන විෂ වායු
• හයිඩ්‍රජන් සයනයිඩ් – විෂ වර්ගයකි.
• ෆිනොල් – සායම් වල අඩංගු වේ

මේ ප්‍රධාන ඒවා වේ. ඔබට පේනවා නේද අපේ ශරීරයට කොතරම් විෂද්‍රව්‍යවර්ගද ඔබ සැපයක් කියා ලබාගන්නේ.

බොනකොටනම් හොද සැප නේද? විදවනකොට කොහොමද දුක? බොනකොට ගදයි නේද?

ඔයාලා ළගත් ගදයි අහක ඉන්න අපිට ඉවසන්නත් අමාරුයි.අද කාලේ කෙල්ලෙක් වත් බලන්නේ නැහැ. වැනි වැනි යනකොට බලන් ඉන්න අයටනම් හරිම ජොලි. අවසානයේ ලෙඩ ගොඩයි නේද? දන්නවද? ඒ මොනවද කියලා

• ප්‍රධානම වශයෙන්භයානක පිලිකා ඇතිවීම.
• පෙනහළු හා ඒ ආශ්‍රිත රෝග ඇතිවීම.
• හදවත් රෝග ඇතිවීම.
• අමාශයේ තුවාල ඇතිවීම.
• ලිංගික බෙලහීනතාවය.
• දත් දුර්වර්ණ වීම /දත් දිරාපත්වේ.
• කටින් දුගදක් හමයි.
• අංශබාග රෝගය වැළදීමේ ප්‍රවනතාව වැඩිවේ.

ඒ මදිවාට අහක ඉන්න අපිවත් ලෙඩ කරනවා. බසයක් තුල, මගීන්ගැවසෙන පොදු ස්ථාන වල අද කීදෙනෙක් නම් දුම් පානය කරනවද? එයින් ඔවුන් පමණක් නොව, එම දුම් ආග්‍රහණය කිරීමෙන් අපද රෝගිවේ. මේ අවස්ථාවල ඔවුන්ට විරුධව නැගීසිටීමට අපට අයිතියක් ඇත.

මෙවැනි අක්‍රිය දුම් පානයෙන් දරුවන් ආරක්ෂා කරගතයුතුයි.මෙහිදී අපි වැඩි වශයෙන් දරුවන්ට ආදර්ශයක් දෙනවානම් පාසලක් තුලදී කළහැකි විශේෂ දේ ඇත.

එනම්,

• මසකට එක් දිනක් නැතිනම් එක් වරුවක් දරුවන් රැස්කර පොදුවේ ඔවුන්ගේ ප්‍රශ්න කතා කල යුතුයි.
• තවද නාට්‍යයක් ආකාරයට මත්ද්‍රව්‍ය ගැනීමෙන් සිදුවන ආදීනව පහදා දියයුතුයි.
• ජාතික දුම්වැටි හා මත්ද්‍රව්‍ය පාලන අදිකරියෙන් නියෝජිතයෙකු ගෙන්වා දරුවන් දැනුවත් කිරීම.
• වෛද්‍ය වරයෙකු ගෙන්වා මේවා ගැනීමෙන් වැළදෙන රෝග පිළිබද රූපරාමු සහිතව ඔවුන් දැනුවත් කල යුතුයි .
• ජිවිත විනාශ කරගත් අය පිළිබද නිර්මාණය වූ චිත්‍ර පටයක් පෙන්වීමට පුළුවන.

මෙවැනි දේ ඔවුන්ගේ සිතට දැනෙන පරිදි කියා දීමෙන් දරුවන්ට ඒ පිළිබද මනා අවබෝදයක් ඇතිවේ එයින් අපේ අහිංසක දරුවන් යම් තරමකට හෝ ගලවා ගතහැක .

මා නම් සිතන්නේ මේ සදහා වැඩි කාර්යයක් ඇත්තේ අපේ රටේ අතිගරු ජනාදිපති තුමන්ටයි. අද මතට ගොදුරු වීමෙන් කී දහක්නම් තරුණ ජිවිත විනාශ වන්නේද? දිනෙන් දින මත්ද්‍රව්‍ය වල මිල ගණන් වැඩිකලත් ඵලක් නැත. මන්ද අර කතාවක් තියනවානේ බොන එකා හොරකම් කරලා හරි බොනවා කියලා? එමනිසා ඔබ තුමන්ට හැකියාවක් ඇත්නම් මේ මත්ද්‍රව්‍ය සහමුලින්ම අප රටට ගෙන්වන එක නවතා දැමීමට කටයුතු කලයුතුබවමා පමණක් නොව සෑම දෙමාපියකගේම ඒකායන පැතුමයි. ඔබ තුමාගේ වෙනසක් ඇති කිරීමේ සංකල්පය තුලින් අද මවක්, බිරිදක්, දියණියක් බලාපොරොත්තු වන්නේ මතින් තොර රටකි.මත්ද්‍රව්‍ය ගෙන ඒම නැවත්වීම තුලින් රටේ ආර්ථිකයට පහරක් එල්ලවුවද, රටේ සැබෑවෙනසක් අත්විදිමටනම් අපේ තරුණ ජවය ආරක්ෂා කරගතයුතුයි. එය ඔබ තුමන්ට භාරයි.

#drugs #heartdisease #themaincauseofcancer #doyouknowthepoisonintobacco

The post මතට තිත… appeared first on mummypages.lk-Pregnancy and Parenting.

අද දියවැඩියාව රෝගය අප සියලු දෙනාටම විනයක් වී ඇත. අතීතයේ මෙම රෝගය දුලබ උවද, අද වන විට මෙම රෝගය සුලබව දක්නට ඇත. වැඩිහිටියන් පමණක් නොව අද ඉතා කුඩා දරුවන්ද මෙම රෝගී තත්වයට ගොදුරුවී ඇත. මෙම රෝගය වැළදුන පසු සම්පුර්ණයෙන්ම සුව කල නොහැක. නිසි ප්‍රතිකාර ලබා ගැනීමෙන් පාලනය කරගතහැක.

ළමා වියේ දියවැඩියා රෝගයට ප්‍රධානම හේතුව වී ඇත්තේ දරුවාගේ, ශරීරයේ ඉන්සියුලින් නිපද නොවීමයි. මේනිසා දරුවාගේ ශරීරයට ලැබෙන සීනි නිසියාකාරව පාලනය කරගත නොහැකිවේ. එවැනි අවස්ථා වල දරුවාට ඉන්සියුලින් දීම ඉතා වැදගත්.

දරුවකු දියවැඩියා රෝගයෙන් පෙලේද යන්න හදුනාගැනීමේ ලක්ෂණ

• බර අඩුවීම
• නිතර  මුත්‍රා කිරීම.
• පිපාසය දැනීම.
• නිතර නිදිමත
• අසහනකාරී බව
• නිතර බඩගිනි දැනීම
• කලහාකාරී බව

මෙවැනි දරුවන්ට මව්පියන්ගේ අවදානය ඉතා වැදගත්ය. එම දරුවාගේ මානසික තත්වය යහපත් අතට ගැනීමට දෙමාපියන් වැඩි වෙහෙසක් ගත යුතුය. විශේෂයෙන් මවගේ අවධානය ඉතා වැදගත්ය.

මෙවැනි දරුවන් හදුනාගත් විගස ඔවුන්ට අවශ්‍ය රුධිර පරික්ෂාව සහ මුත්‍රා පරීක්ෂාවද කල යුතුවේ. මුත්‍රාවල සිනි බලා ගැනීමටනම් බෙනඩික් පරීක්ෂණය කල යුතුවේ.

තවද මා දැනගත් වැදගත් කරුණක්නම් දරුවා දියවැඩියාව රෝගයෙන් පෙලන බව දැනගත් පසු නැවත නිවසට ගියද දින කීපයක් යනතුරුම අලුයම 3.00-4.00අතර රුධිර පරික්ෂාව කලයුතුය. මන්ද රුධිරයේ සිනි මට්ටම හොදින්ම දැනගත හැක්කේ අලුයම 3.00ට පමණ බැවිනි. මෙවැනි දරුවන් නිතරම අනිත් දරුවන්ට මෙන්ම සැලකිය යුතු අතර ඔවුන්ට වැඩි අවදානයක් දක්වන බව හැගවිය යුතු නැත. මෙවැනි දරුවන් නිසි වේලාවට සායනවලට රැගෙන යායුතුය. මන්ද මෙවැනි දරුවන්ට ඇතිවිය හැකි සංකුලතා වැඩි බැවිනි.

එනම්, සමහර අවස්ථා වල සිනි මට්ටම අඩුවීම

• මෙය ඉතා වැදගත් කරුණකි මන්ද මේනිසා දරුවාට සිහි නැති විය හැකි අතර වලිප්පුවද ඇතිවීමට පුළුවන.
• අධිකව දහදිය දැමීම.
• වෙව්ලීම.
• ප්‍රථමවරට ඉන්සියුලින් ලබාදීමෙන් පසු ආහාර නොගැනීම.
• සමහර අවස්ථාවල ඉන්සියුලින් මාත්‍රාව වැඩිවීම.

මේවා අවදානම් අවස්ථා නොවේ, නමුත් දිගුකාලින වශයෙන් ඇතිවිය හැකි සංකුලතා 

• ඇස් දුර්වල වීම
• වකුගඩු දුර්වලවීම
• තවද හදවත, ස්නායු හා දෙපාවලට හානි සිදුවියහැක.

කුඩා දරුවකුගේ රුධිරයේ සිනි මට්ටම 3.3mm01/L(60mg/dL) ට වඩා අඩුවූවිට එය රුධිරයේ සිනි ප්‍රමාණය අඩුවීමක් ලෙස හදුන්වනවා.

• ප්‍රමාණයට  වඩා ඉන්සියුලින් ලබාගැනීම.
• ප්‍රධාන ආහාර වේල මගහැරීම් නිසා ශරීරය දුර්වල වීම .

රුධිරයේ සිනි අඩු වීඇති අවස්ථාවක කල යුතු ප්‍රතිකාර

• පැණිරස බිම වීදුරුවක් බිමට දීම.
• බිස්කට් එකක් සමග කෙසෙල් ගෙඩියක් දීම අපට කලහැක.

යම් අවස්ථාවක දරුවාට වලිප්පුව සැදුනහොත්,

• පළමුව දරුවා සමග ඒ අවස්ථාවේ සිටින පුද්ගලයා කලබල නොවියයුතුය.
• මෙවැනි අවස්ථාවකදී දරුවාගේ මුවට කිසිවක් ඇතුළු නොකලයුතුය.
• හැකිනම් සුළු වේලාවක් දරුවාගේ හිස පහලට හරවා සමතලා මතුපිටක තබන්න.
• පසුව හැකි ඉක්මනින් දරුවාට වෛද්‍ය ප්‍රතිකාර ලබා දියයුතුය.

දියවැඩියාව අද ලොකු පොඩි බේදයකින් තොරව හතු පිපෙනවවගේ වර්ධනය වන රෝගයක් වී ඇත. මේ රෝගයෙන් පාලනය වීමටනම් අපි නිතරම ස්වභාවික ආහාර වලට පුරුදු වියයුතු අතර ක්‍ෂණික ආහාරවලින් වැළකි සිටිය යුතුය. අද දෙමාපියන් වන අප අතින් සිදුවන වරදක්නම්, “පුතේ මම ඔයාට චොකලට් ගෙනාව” නැතිනම් පැණිරස අධික රසකාරක වලට දරුවා හුරුකිරිම්ය. දැන් අපට හිතන්න කාලය උදාවී ඇත. ඇයි අපි අපේම වැරදිවලින් තම දරුවාව රෝගියෙකු කරන්නේ? අපට හැකි නොවේද දරුවන්ට, යෝගට් එකක් නැතිනම් පලතුරු වර්ගයක් ගෙනත්දීමට. එමගින් අපේ පුංචි මල් කැකුළු ආරක්ෂා කරගතහැක.

දියවැඩියාව අද ලොකු පොඩි බේදයකින් තොරව හතු පිපෙනවවගේ වර්ධනය වන රෝගයක් වී ඇත. මේ රෝගයෙන් පාලනය වීමටනම් අපි නිතරම ස්වභාවික ආහාර වලට පුරුදු වියයුතු අතර ශනික ආහාර වලින් වැළකිය සිටිය යුතුය .

අද දෙමාපියන් වන අප අතින් සිදුවන වරදක්නම්, “පුතේ මම ඔයාට චොකලට් ගෙනාව….” නැතිනම් පැණිරස අධික රසකාරකවලට දරුවා හුරුකිරීමය.

දැන් අපට හිතන්න කාලය උදාවී ඇත. ඇයි අපි අපේම වැරදිවලින් තම දරුවාව රෝගියෙකු කරන්න? අපට හැකි නොවේද දරුවන්ට, යෝගට් එකක් නැතිනම් පලතුරු වර්ගයක් ගෙනදීමට? එමගින් අපේ පුංචි මල් කැකුළු ආරක්ෂා කරගතහැක.

#healthcare #healthylife #diabetes #doctoradvice #lifecare

The post දියවැඩියාව ගැන ඔබ දැනුවත්ද ? appeared first on mummypages.lk-Pregnancy and Parenting.

දිනපතා රෝස පාටින් සිතන්න

ඔක්තෝම්බර් මාසය පිළිකා පිලිබඳ දැනුවත් වන මාසයයි. ලෝකය එදිනට මුළු ලෝක වාසීන් සැමදෙනාවම පිළිකා රෝගය  පිලිබඳ දැනුවත් කිරීමටත්, එම රෝගයෙන් වැළකීමට පිළිපැදිය යුතු දේ ගැන අවධානය යොමු කිරීමත්, පියයුරු පිළිකා පිලිබඳ දැනුවත් කිරීමටත්, ඒවා කල් තියා හඳුනා ගැනීමේ ක්‍රම හඳුන්වා දීමටත් හැකි සෑම පියවරක්ම අනුගමනය කරනු ලැබේ.

 තැතිගන්වන සුළු සංඛ්‍යා ලේඛන

ලෝකයේ කාන්තාවන් සෑම 8 දෙනෙකුගෙන්ම එක අයෙක් කුමන හෝ පිළිකා රෝගයකින් පෙළෙන බව නවීනතම දත්ත පෙන්වා දෙයි.   එයින් කැපී පෙනෙන ලෙස ව්‍යාප්ත වී ඇති පිළිකා වර්ගය ලෙස පියයුරු පිළිකා ගණනය කර ඇත.  ඊට අමතරව, විස්මය උපදවන සුලු විශේෂ කරුණක් වනුයේ ලෝකයේ පිරිමි පියයුරු පිළිකා 1%ක ප්‍රවනතාවයකින් වැඩි වී ඇති බවයි.

එක් මසක් තුළ පමණක් පිළිකා පිලිබඳ විශේෂ අවධානය යොමු කළත්, ඇත්තෙන්ම මෙම අවධානය සෑමදාම තිබිය යුතුය. මන්ද?  එය පිළිකාවක් නම්, එය නොසලකා හැරීම, ප්‍රීති ප්‍රමෝදයට කරුණක් නොවේ!

පුර්ව හඳුනා ගැනීම

දොස්තර  අජිත් ද සිල්වා මහතා අවධාරණය කළේ, මෙය කල් තියා හඳුනා ගෙන,මුලදීමනිසි ප්‍රතිකාර ගැනීමෙන්, මෙම රෝගය නිවාරණය කිරීමට මඟ පාදා ගත යුතු බවයි.  “කාලය” යන්නෙහි තේරුම නැවතත් විග්‍රහ කළහොත්, එහි තේරුම වනුයේ මුලින් හැඳින ගත් මස් වැදලි, ගෙඩිසහවිසප්පු ගෙඩි වැනි දේට නියමාකාරයෙන් රෝග පරීක්ෂාවකට බඳුන් වී, නිසි ප්‍රතිකාර ගත් කළ, 90%ක් මෙම රෝගය සුව කළ හැකි බවය.

මෙම රෝගය මුළින් හඳුනා ගැනීමට නොයෙකුත් ක්‍රම ඇත.

තමන්ම පරීක්ෂා කර ගැනීම

තමන්ට තමන්වම පරීක්ෂා කර ගැනීමට ඇති හොඳමක්‍රමය වනුයේ තම නිවසෙහි ඇති මුහුණ බලන කන්නාඩිය ඉදිරිපිටට ගොස්, නාන විට හෝ ඇඳේ සිටින විට,තම ශරීරය දෙස විමසිල්ලෙන් බැලීමයි. එය ඔබේ ශරීරයේ ඇති වෙනස්කම් ඉතා හොඳින් පෙන්වා දෙයි. එනම්, පියයුරු වල හමේ වෙනසක් ඇත්නම්, නැතිනම් තන පුඩුවේ වෙනසක් හෝකුමක් හෝ දියරක් (කිරි නොවේ) ගලා ඒ නම්, එය ඔබටම හොඳින් හඳුනා ගත හැකිය.

ඔබට  එසේ වෙනසක් පෙනේ නම්, නොපමාව ඔබේ පවුලේ වෛද්‍යවරයා හමුවීමට යා යුතුය.  එවිට ඔහු, අවශ්‍ය නම්, පියයුරු පිළිකා සම්බන්ධ විශේෂඥ දොස්තර මහතෙකු වෙත ඔබව යොමු කෙරේ.

පයෝධරවල විෂමතාව අනාවරණය සඳහා වූ X රේ කිරණ පරීක්ෂාව (මැමෝග්‍රම් පරීක්ෂාව)

අවුරුදු 40 ඉක්ම වූ සියලු කාන්තාවන් අනිවාර්යයෙන්ම මෙම පරීක්ෂාවට භාජනය විය යුතුය.  බොහෝ  වෛද්‍ය වෘත්තිකයන් සෑම අවුරුදු 2කට වරක් මෙම පරීක්ෂාවට කාන්තාවන් භාජනය විය යුතු බව අවධාරණයෙන් නිර්දේශ කර ඇත.  එම පරීක්ෂාව සාමාන්‍යයෙන් කරන්නේ, පයෝධර ක්‍රම ක්‍රමයෙන් තද කරමින් එහි යම් මස් වැදැල්ලක්, ගෙඩියක් හෝ සැරව ගෙඩියක් ඇත්දැ’යි පරීක්ෂා කිරීමෙනි.  එය සාමාන්‍යයෙන් අපහසු වුවත්, මෙම රෝගය කළින් හඳුනා ගැනීම ඉතා ප්‍රයෝජනවත් කරුණකි.

අල්ට්‍රාසවුන්ඩ් පරීක්ෂාව

මෙය විශේෂයෙන් පියයුරු පිළිකා හඳුනා ගැනීමට භාවිතා කරන බව ප්‍රකට කරුණකි.  ඕනෑම කෙනෙකුට මෙම ක්‍රියාවලියෙන් මාරක හෝ මෘදු විසප්පු ගෙඩියක් ඇතිදැ’යි වේදනා රහිතව සහ උපද්‍රව රහිතව පරීක්ෂා කර ගත හැක.

පියයුරු MRI (එම.ආර්.අයි)

මෙම පරීක්ෂාව ශ්‍රී ලංකාවේ ඇත්තේ පුද්ගලික සෞඛ්‍ය මධ්‍යස්ථාන වල පමණය.   මෙම පරීක්ෂාව පියයුරු පිළිකා අනිවාර්යයෙන්ම ඇත්දැ’යි හඳුනා ගනී.  මෙය මස් වැදැල්ලක් හෝ ගෙඩියක් හෝ එවැනි දෙයක් ඉතා අංශු මාත්‍රයෙන් ඇත්දැ’යි දැන ගැනීමට ඉවහල් වේ.  මෙම පරීක්ෂාව අන් සියලු පරීක්ෂාවන්ට වඩා සාර්ථක ක්‍රමයකි.

“රෝග නිවාරණයට වඩා රෝග වලින් වැළකී සිටීම ඉතා ඥානාන්විත ක්‍රියාවක් ” බව අපි සියලු දෙනාම දන්නා කරුණකි.  එනිසා, ගැහැණු පිරිමි දෙපක්ෂයම එය ක්‍රියාවට නැංවීමට දැන්මම සිතට ගත යුතුය.

පියයුරු පිළිකාවේ ප්‍රධාන අවදානම

පිළිකාවට බලපාන සාධක පිළිබඳව අපි නොයෙකුත් මිත්‍යා විශ්වාසයන් සහ කතාන්දර අසා ඇත.  ඉන් සමහර ඒවා සත්‍ය වූවත්, සමහර දේවල් අසත්‍ය වේ.  දොස්තර  අජිත් ද සිල්වා මහතා පියයුරු පිළිකා වලට හේතු සාධක කෙටියෙන් මෙසේ විස්තර කරන ලදී.

පරම්පරාවේ කෙනෙකුට මෙම රෝගය තිබී ඇත්නම්

තම පවුලේ කෙනෙකුට (අම්මා, සොහොයුරිය හෝ දියණිය)    හෝ ඥාතියෙකුට ගැබ් ගෙල පිළිකා හෝ පියයුරු පිළිකා හෝ වෙනස් වර්ගයේ පිළිකා තිබී ඇත්නම්, එය සෑහෙන අවදානම් තත්ත්වයකි.  එමනිසා කරුණාකර වහාම ඔබේ පවුලේ දොස්තර මහතාව හමු වන්න.

BRCA (බී.ආර්.සී.ඒ) ජාන පරීක්ෂාව

BRCA ජාන පරීක්ෂාව යනු ලේ පරීක්ෂාවකි.  එහිදී එම පුද්ගලයාට පිළිකා පිලිබඳ අවදානම  කොපමණ දුරට බලපෑ හැකි දැ’යි ඩීඑන්ඒ (DNA) වලින් කිව හැක.  ඩීඑන්ඒ, එක්  පරම්පරාවකින් අනෙක් පරම්පරාවට පවුල තුල  ව්‍යාප්ත වේ. ශ්‍රී ලංකාවේ ආයතන කීපයක BRCA පරීක්ෂාව කරනු ලැබේ.

ඇන්ජලින් ජොලීගේ  පවුලේ ඉතිහාසය තුල පියයුරු පිළිකා (විශේෂයෙන් මවගේ පවුලෙන් – අම්මා සහ නැන්දා) ට  තිබී ඇත.  එමනිසා, ඇය BRCA පරීක්ෂාවට මුහුණ දුන් විට, ඇයටද පියයුරු පිළිකා සම්බන්ධ වැඩි අවදානමක් (87%) ඇති බව අනාවරණය වී ඇත.  එමනිසා, පූර්ව සුරක්ෂිත ක්‍රියාමාර්ගයක් ලෙස  ශල්‍ය කර්මයකින් ඇගේ පියයුරු දෙකම ඉවත් කිරීමට ඇය තීරණය කර ඇත.

එස්ට්‍රොජන් හොර්මෝන්

සාමාන්‍යයෙන්,පියයුරු එස්ට්‍රොජන් හොර්මෝන් වලට සංවේදී වේ.  එය පියයුරුවල ගෙඩිහට ගැනීමට ඉවහල් වේ.  එස්ට්‍රොජන් හොර්මෝනයක් වන අතර, දරු ප්‍රසූතියේදී අවශ්‍ය වන, පියයුරු සහ අනෙකුත් අවයවවල වර්ධනයට  උපකාරී වේ.  කාන්තාවන්ගේ අනෙකුත් සාමාන්‍ය ක්‍රියාවලින්ට එස්ට්‍රොජන් හෝර්මෝනය අත්‍යවශ්‍ය වේ.

එය කාන්තාවන්ගේ ශරීරයේ අනෙකුත් අවයව වල වර්ධනයට අවශ්‍ය වුවත්, එය ගෙඩි වර්ධනය වීමටත්,  පියයුරු පිළිකා වර්ධනය වීමටත් ඉවහල් වේ.

ඔසප් ක්‍රියාවලිය

එස්ට්‍රොජන් කාන්තාවන්ගේ ඔසප් ක්‍රියාවලියට ඉවහල් වේ.  ගෑණු ළමුන් කුඩා වයසේදීම (අවුරුදු 10ට පෙර) සහ ඔසප් ක්‍රියාවලිය නැවතීම (අවුරුදු 50 ඉක්මවා යන විට) පියයුරු පිළිකා ඇතිවීමට ඇති ඉඩ කඩ බෙහෙවින් වැඩි විය හැකිය.

සිරුරේ බර සහ ව්‍යායාම

සිරුරේ බර නියමිත ප්‍රමාණයට වඩා වැඩි වීම පියුරු පිළිකා ඇතිවීම කෙරේ බලපෑ හැකිය.  එමනිසා, සිරුරේ බර වැඩිවීම පාලනය කිරීමට, සෞඛ්‍යසම්පන්න ආහාර ගැනීමද අත්‍යවශ්‍ය කරුණකි.  ශරීරයේ  උඩ කොටසේ දර්ශකය 24ට වඩා අඩුවෙන් පාලනය කිරීමෙන් පියයුරු පිළිකා ඇතිවීමේ අවදානම අඩු කර ගත හැක.  තවද, දිනපතා ව්‍යායාම සහ ශාරීරික ක්‍රියාකාරකම් වල යෙදෙන කාන්තාවන්ගේ පියයුරු පිළිකා ඇතිවීමේ අවදානමද අඩුය.

මිත්‍යාවට එරෙහි සත්‍යය

දොස්තර අජිත් ද සිල්වා මහතා, ශ්‍රී ලංකාවේ සාමාන්‍යයෙන් පැතිරෙන කටකතාවක් වන “දරුවන්ට මව් කිරි දීමෙන් පියයුරු පිළිකාවන් ඇති වීමට හැකිද?”  යන්න ගැන වැඩි දුරටත් පැහැදිලි කළා.

විශේෂඥ මහතාඅවධාරණය කළේ, එක් බබෙකුට හෝ බබාලා කීප දෙනෙකුට මව්කිරි දීමෙන් එවැනි අවදානමක් ඇති නොවෙන බවත්, එසේ මව්කිරි දීමෙන් පිළිකා ඇතිවීමේ ප්‍රවණතාවය අඩු වන බවත්ය.

පියයුරු නැවත නිෂ්පාදනය

පියයුරු පිළිකා තිබු කාන්තාවන්ගේ පියයුරු ශරීරයෙන් ඉවත් කළ විට ඇතිවන ශරීරයේ වෙනස්කම් වලට මුහුණ දෙන්නේ කෙසේදැ’යි අසන ප්‍රශ්නයට, අජිත් ද සිල්වා මහතා කිව්වේ, එම ශල්‍ය කර්මයට මුහුණ දුන් කාන්තාවන්ට ශරීර වෙනස්කම් වලට මුහුණ දීමට නොයෙකුත් පහසු සහ ක්‍රමවත් විධි ඇති බවයි.

පියයුරු නැවත නිෂ්පාදනය

මෙය කාන්තාවන් අතර ඉතා ජනප්‍රිය ක්‍රියාවලියකි.  එනම්, එයින් ස්වභාවික ලෙස පෙනෙන පියයුරු රෝපණය කිරීම හෝ එවැනි ද්‍රව්‍ය භාවිතා කිරීම

පියයුරු ඉවත් කළ කාන්තාවන්ට සුදුසුබ්‍රේසියර වෙළඳ පොලේ විකිණීමට ඇත.

වෛද්‍යවරයෙකුගෙන් විමසීමට, ලොකු හෝ කුඩා හෝ විකාර ප්‍රශ්න කියා දෙයක් නැත.  ඒවගේම, වෛද්‍යවරයාගෙන් තමන්ට දැනගත යුතු කරුණක් ඇසීමට බිය විය යුතු හෝ ලජ්ජා විය යුතු කරුණක් නොවේ!  රෝගය කලින් හඳුනා ගැනීමෙන් ඔබට යහපත් නිරෝගී ජීවිතයක් ගත කිරීමට ඉඩකඩ සැලසෙනු ලැබේ.

මෙම කෙටි ලිපියේ අඩංගු සියලු දේ සත්‍ය බවට පිළිගත හැකිය.මෙම ලිපියේ  අඩංගු සියලු  අදහස් සහ කරුණු ප්‍රකාශකගේ නොවේ.

#breastcancerrisk #breastcancer #womencare #mothercare #breastcare #sinhalaarticleinsrilanka #breastcancerarticleinsrilanka #sinhalaarticle #motherbreastcancerarticle #breastmri

The post පියයුරු පිළිකාවේ ප්‍රධාන අවදානම appeared first on mummypages.lk-Pregnancy and Parenting.

ප්‍රශ්න වලින් තොර, සෞඛ්‍ය සම්පන්න ගර්භනී අවස්ථාවක් ගත කිරීම සඳහා, ශ්‍රී ලංකාවේ මව්වරුන් යම්කිසි අන්දමක කැපකිරීමක් කළ යුතු වේ.  ඒ සඳහා සමහර අහිතකර ආහාර වලින් වැළකිය යුතුය.  එය මවට සහ කළලයට  ආරක්ෂාව සපයනු ලැබේ.

ශ්‍රී ලාංකික ගර්භනී මව්වරුන් පහත සඳහන් ආහාර වර්ග වලින් වැළකීම බබාට සහ මවට ගුණදායකය.  Pregnant women – http://en.wikipedia.org/wiki/Pregnancy

• අන්නාසි – මෙහි ඇති බ්‍රෝමලින් එන්සයිමය නිසා ගැබ් ගෙල හා සම්බන්ධ මස්පිඬු ලිහිල් වීම නිසා දරු ප්‍රසූතිය ඉක්මන් වීම සිදුවිය හැක. මෙම හේතුව නිසා, ශ්‍රී ලාංකික මව්වරුන් ගර්භනී අවධිය පුරා අන්නාසි ආහාරයට ගැනීමෙන් වැළකීම යෝග්‍යය.

• ගස්ලබු – මෙම පලතුර ශ්‍රී ලාංකික ගර්භනී මව්වරුන්ට එතරම් ගුණදායක නොවේ. මෙම පලතුර ආහාරයට ගැනීමෙන් ගබ්සා වීම්  සිදුවීමට ඇති හැකියාව වැඩි බව ප්‍රචලිත කරුණකි.  abortifacient – http://en.wikipedia.org/wiki/Abortifacient  ස්වල්ප වශයෙන් ආහාරයට ගැනීම එතරම් අහිතකර නොවන නමුත්, එහි ක්ෂීරය විශාල වශයෙන් අන්තර්ගත වන හෙයින්, ගබ්සාවීම් සහ ප්‍රසූතිය ඉක්මන් වීමට ඉඩකඩ ඇත.  මෙම ක්ෂීරය යනු එන්සයිමයකි. එයින් ගර්භාෂය හැකිළීම ආදිය ඇති විය හැකිය.     uterine contractions – http://en.wikipedia.org/wiki/Uterine contraction.  එමනිසා ශ්‍රී ලාංකික මව්වරුන් මෙම පලතුර ආහාරයට ගැනීමෙන් වැළකීම බබාට සහ මවට ගුණදායකය.  Pregnancy – http://en.wikipedia.org/wiki/Pregnancy

• මාළු – වැඩි වශයෙන් රසදිය අඩංගු මාළු වර්ග ආහාරයට ගැනීමෙන් වළකින්න.  මෝර , තලපත්, කුම්බලාවා, බල, කෙලවල්ලා සහ ටින් මාළු ආහාරයට ගැනීමෙන් සම්පුර්ණයෙන් වළකින්න.  ජපන් ආහාරයක් වන සුෂී වැනි දේද, ආහාරයට ගැනීමෙන් වළකින්න.  මෙම ආහාරය පිළියෙළ කිරීමේදී, මාළු යොදා ගැනේ.

• හොඳින් පිස නොමැති මස් වර්ග – හොඳින් පිළියෙළ නොකළ මුහුදු ආහාර වන ඉස්සන්, කකුළුවන්, දැල්ලන් සහ මස් වර්ග වන හරක් මස්, කුකුළු මස් වැනිදේ ද, ආහාර සඳහා නුසුදුසුය. Toxoplasmosis – http://en.wikipedia.org/wiki/Toxoplasmosis සහ coliform bacteria – http://en.wikipedia.org/wiki/Coliform_bacteria සහ Salmonella  – http://en.wikipedua.org/wiki/Salmonella.  මස් වර්ග අනුභවයෙන් තොරවීමෙන් අනවශ්‍ය ආහාර විෂවීම්, රුධිර විෂවීම් ආදියෙන් වැළකී සෞඛ්‍ය සම්පන්නව සිටිය හැක.

• බිත්තර – හොඳින් නොපිසූ, අමු බිත්තර ආදියෙහිද බැක්ටීරියා ක්‍රියාකාරිත්වය ඇතිවිය හැකි බැවින්, අමු, හොඳින් නොපිසූ හෝ නරක් වූ බිත්තර ආහාරයට ගැනීම නුසුදුසුය.

• චීස් – නරක් වූ චීස් – Listeria – http://en.wikipedia.org/wiki/Listeria මෙම නරක් වූ චීස්වල බැක්ටීරියා ඇති බැවින් එමඟින් ගබ්සා වීම් සහ රුධිර විෂවීම් ඇතිවිය හැක. miscarriage – http://en.wikipedia.org/wiki/Miscarriage. ගර්භනී මව්වරුන්ට නුසුදුසු චීස් වනුයේ බ්‍රී (Brie), ෆෙටා (Feta), ගෝගොන්සලා (Gorgonzola), කැමෙම්බර්ට් (Camembert ) සහ රොක්ෆෝර්ට් (Roquefort) යනාදියයි.

• අර්ධ වශයෙන් විෂබීජ නැසූ කිරි – අර්ධ වශයෙන් විෂබීජ නැසූ කිරි වලද, නොමැරී පවතින නොයෙකුත් විෂ සහිත බැක්ටීරියා ඇති බැවින්, එම කිරි ගර්භනී මව්වරුන්ට පාවිච්චියට නුසුදුසුය.  නමුත්, හොඳින් විෂබීජ නැසූ කිරි ගර්භනී මව්වරුන්ට අත්‍යවශ්‍ය ආහාරයකි.  එයට හේතුව එහි වැඩි ප්‍රමාණයක් කැල්සියම් අන්තර්ගතවන හෙයිනි.

• මස් වලින් හැදූ තලප විශේෂ – සමහර ගර්භනී මව්වරුන්ට මේවා ආහාරයට ගැනීමට විශේෂ ආශාවක් ඇතිවේ. නමුත් මෙම ආහාර වර්ගවල නොයෙකුත් විෂ සහිත බැක්ටීරියා ඇති හෙයින්, මෙවැනි ආහාර වලින් ගර්භනී මව්වරුන් ඉවත් විය යුතුය.

• කැෆේන් අඩංගු ආහාර/දියර වර්ග – මේවා පරිභෝජනය කිරීමේදී සීමාව ඉක්මවා නොයා යුතුයි. විශේෂයෙන් කෝපි වැනි කැෆේන් අඩංගු ආහාර වර්ග, බීම වර්ග ආදියෙන් වැළකී සිටීම මවට සහ කළලයට ගුණදායකය. එයට හේතුව, කැෆේන් නිසා ගබ්සාවීම් ඇතිවිය හැකි බැවිනි.

• හොඳින් පිරිසිදු නොකළ එළවලු –  ඇත්තෙන්ම, ගර්භනී මව්වරුන්ට අත්‍යවශ්‍ය ආහාරයක් වනුයේ, නැවුම් එළවලු සහ මැල්ලුම් ආදියයි.  නමුත් ඒවා ආහාරයට පිළියෙළ කරගැනීමේදී හොඳින් සෝදා පිරිසිදු කිරීම අවැසි කාරණයකි. ඒවා සෑදෙන පසේ නොයකුත් විෂබීජ තිබිය හැකිය.  එමනිසා ඒවා හොඳින් පිරිසිදු කර ගත යුතුයි.  තවද, ගර්භනී මව්වරුන්  මුල් කාලය තුළ කතුරුමුරුංගා ආහාරයට නොගත යුතුයි.  Kathuru murunga – http://en.wikipedia.org/wiki/Sesbania _grandiflora.  මෙයද ගබ්සාවන්ට ඉවහල් විය හැකි පලා වර්ගයකි.

නීරෝගී ගර්භනී අවස්ථාවක් ගත කිරීමට නම් සමතුලිත ආහාර අත්‍යවශ්‍ය වේ.  කෙසේ නමුත්, නුසුදුසු  ආහාර වලින් වැළකී, සුදුසු ආහාර පමණක් ගැනීමට ගර්භනී මව්වරුන් වග බලා ගත යුතු වේ!

#pregnantmother #Pregnantwomen #pregnancywomen #pregnancytime #pregnancypain #pregnancymotherinsrilanka #pregnancymother #pregnancyfood# pregnancycheckup #Pregnancyfoodcare #pregnancyarticleinsrilanka #Pregnancy #Healthyfood

The post නීරෝගී ගර්භනී අවස්ථාවක් ගත කිරීමට අවශ්ය ආහාර රටාවක් appeared first on mummypages.lk-Pregnancy and Parenting.

දත් ඒම

බබාගේ දත් ඒම යනු, එයාගේ මුලින්ම එන දතුයි. ඒවාට “කිරි දත්” කියලයි අපි සුරතලයට කියන්නේ   –

මුලින්ම දත් එනවිට බබාගේ අලුත් විදුරු මස පසාරු කරගෙන ආ  යුතුයි. එය බබාට එතරම් ප්‍රසන්න අත්දැකීමක් නොවේ.මේ සඳහා පැරණි ක්‍රම භාවිතා කල හැක.  බබා යම්කිසි දෙයක් හෝ එයාගෙම ඇඟිලි හපන විට, එයාගේ විදුරු මස මෘදු වී දතට පහසුවෙන් එලියට ඒම සඳහා, ස්වභාවික ක්‍රමයක් භාවිතා කල හැක.

දත් එනවිට ඇතිවන රෝග ලක්ෂණ

• හැසිරීමේ වෙනසක් (නොසන්සුන් බවක් ඇතිවේ/ඉක්මනින් කේන්ති ගනී)
• මැලවුනුස්වභාවයක්ඇතිවේ.
• විදුරුමස්ඉඳීමේ.
• එයාගේඅතටහසුවනඕනෑමදෙයක්හෝඑයාගේමඅතමිටහෝඇඟිලිහපයි.
• කෑමඅරූචිය
• උණඇතිවේ
• අසූචිකොළපාටටපිටවේ (මෙයහැමවිටමදත්ඒමනිසාමනොවේ. එයසහතිකකරගන්න)

බබාගේ පළමු දත :

මගේ කුඩා බලු පැටවුන්ට මස 6 දී දත් ආවා.  නමුත්, සමහර බබාලාට පළමු දත ආඩම්බරයෙන් මස 3න් එනවා.  කලාතුරකින් සමහර දරුවන් ඉපදෙන විටම, දතේ තුඩ විදුරු මසින් උඩට මතු වී  තිබෙනු දැක ගත හැකි වේ.  එනිසා මුතුවන් දීප්තිමත් දත් පෙනෙන්නට පටන් ගන්නේ බබාට මස 3 – 8 දක්වා වයසේදීය.  ශ්‍රී ලංකාවේ බබාලටත් ඉක්මනින් දත් එනවා.  එයට හේතුව, රතු බත්වල ඇති කැල්සියම් ප්‍රමාණය වැඩි නිසයි.  වයස අවුරුදු 3 වනවිට, ඔබේ දරුවාගේ කිරි දත් 20ක් පමණ තිබිය හැක.

මුලින්ම එන දතේ තුඩ දුටු විට, එම දිනය සටහන් කර ගන්න.  තවද, මතක සටහනක් ලෙස තබා ගැනීමට චායාරූපයක් ගෙන ෆයිල් කවරයක අමුණා  තබා ගන්න.

අසරණ අම්මලාට උදවු

මුලින්ම අම්මලා බවට පත් වූ, නොදැමුණු දරුවන් ඇති අම්මලා බලාපොරොත්තු සුන් කර ගත යුතු නොවේ.  මතක තියා ගන්න, බබාලා ගේ දත් ඒම එයාලාගේ වැඩීම සම්බන්ධව සාමාන්‍ය දෙයකි.  ගොඩක් අම්මලා  බබාලාගේ දත් එනවිට ඇතිවන රෝග ලක්ෂණ වලින් වැලකීමට භාවිතා කරන පහසු ප්‍රතිකාර භාවිතා කරන්න උත්සහ කරන්න.

දත් එන අවස්ථාවේදී භාවිතා කරන වළලු – ඉතා විශේෂිත, පහසුවෙන් භාවිතා කල හැකි, විෂබීජ නැසූ මෙම වළලු බබාට හැපීමට දෙන්න,  ඔහුගේ හෝ අයගේ හදවත සතුටු වනතුරු.  විෂබීජ නැසූ,  වතුර ඇතුලට දැමූ, මෘදු  ප්ලාස්ටික් වළලු ශීතකරණයේ තබා, යම්කිසි ප්‍රමාණයකට සීත කර දිය හැකි නම්, එය බබාට තවත් පහසුවක් වෙනු ඇත.  ඊ-වෙළෙඳපොලේ ඇති දත් එනවිට භාවිතා කරන විශේෂ වර්ගයේ උපකරණ පරීක්ෂා කරන්න.

එහෙත් ස්ථූල  ඇඟිලි හපන එක තරම් තවත් හොඳ දෙයක් තව තියෙනවද?  නමුත් අම්මි, බබාගේ තුවාල වූ විදුරු මස මෘදු ලෙස අත  ගාන්න.  හැබැයි, මතක තියාගන්න, ඔබේ අත් හොඳින් සෝදාගෙන, බබාව ඔබේ උකුල උඩ පහසුවෙන් තබාගන්න.  ආච්චි කියාවි, ශ්‍රී ලංකාවේ බබාලට මී පැණි හෝ බටර් තවරා  අත ගාන එක හොඳයි කියලා.  නමුත් අලුත් සොයා ගැනීම් වලට අනුව, ළමා වෛද්‍යවරයාගේ අදහස් දැනගන්න එක හොඳයි.

• තවවිකල්පයක්නම්, විෂබීජ නැසූ, ශීතකරණයේ තබා මඳක් සීත කල රෙදි කැබැල්ලක්
• මේඅවස්ථාවටවැඩියහොඳසීතලකෑමයි. යෝගට්සහසීතකලකෑමආදීවිවිධදේදීබබාකැමතිකුමනආහාරයටදබලන්න.

• ඉඳිමුණවිදුරුමස්ඉතාඅමාරුනම්, බබාගේ ළමා විශේෂඥ වෛද්‍යවරයා හමුවන්න. ඔහු මෘදු අව්ෂධීය ජෙල් වැනි ආලේපයක් දී ඔබට උදවු කරාවි.

ඉතින්, කරදර වන්න එපා.  දත් ඒම බබාගේ වර්ධනයේ ප්‍රතිපලයකි.  සමහරු එම අවස්ථාව කරදරයකින් තොරව ගත කරන අතර, සමහරුන්ට අම්මාගෙන් විශේෂ සැලකිල්ලක් අවශ්‍ය කරනවා.

හොඳ දත් දෙපළක් ලැබේවා !

#babyteeth #theeth #thoothbrush #babyarticleinsrilanka #sinhalaarticleinsrilana

The post දත් ඒම, හැපීම, මලානික වීම සහ අසතුටින් සිටින බබෙක් appeared first on mummypages.lk-Pregnancy and Parenting.

මගේ කුඩා දුව ඉපදෙන විට, මා බලාපොරොත්තු වූවාට වඩා ඉතාමත් කුඩා නිසා, මම ඇයව වඩා ගැනීමට පවා බිය උනා.  ඇගේ සම ඉතාම සිනිඳු වූ අතර, ඉතා දුර්වල  තත්ත්වයකින් තිබුණා.  ඇගේ සම ඉරී යා හැකියයි කියා මට බය සිතුනා.

අළුත උපන් බිළිඳුන්ගේ සම රැළි වැටී ඇති අතර, එය වසා ඇති තෙල් සහිත ආවරණය “වර්නික්ස්” නමින් හැඳින්වේ. එය සාමාන්‍යයෙන් පළමු සතිය තුළ ගැලවී යයි.  එය සම මෘදු කරන ද්‍රව්‍ය, ප්‍රෝටීන් සහ සම බැක්ටීරියා වලින් ආරක්ෂා කරන ද්‍රව්‍ය වලින් යුක්ත වේ.   එම  සම ආරක්ෂා කරන ද්‍රව්‍ය ඉවත් වී ගිය පසු, අවට පරිසරයේ ඇති ක්ෂුද්‍ර ජීවීන්ට බබාගේ සම  නිරාවරණය වේ.  සම වියළි වූ විට, එහි නොයෙකුත් නිෂ්පාදිත ද්‍රව්‍ය මව විසින් ආලේප කරනු ලබයි.

අළුත උපන් බිළිඳුන්ගේ සම ඉතා සිවුමැලි වේ.  ශ්‍රී ලංකාවේ පවතින නිවර්තන කලාපීය දේශගුණික තත්ත්වය නිසා, නොයෙකුත් රසායනික ද්‍රව්‍ය, සුවඳ විලවුන් සහ රෙදි වලට දමන ඩයි වර්ග, කුණු පහ කරන රෙදි සෝදන කුඩු වර්ග නිසා බබාගේ සිනිඳු සම කැසීම, වියළීම, කුෂ්ඨ ඇතිවීම, තුවාල වීම ආදී දේ සිදුවිය හැක.

බබාගේ සම ආරක්ෂා කිරීම සඳහා කළ යුතු සහ නොකළ යුතු දේ:

කළ යුතු දේ :

• බබාව සතියකට 2 – 3 වරක් නාවා පිරිසිදු කළ යුතුය.  නිතර බබාගේ මුඛය සහ ඉණකඩ හෙවත් නැප්කින් වලින් ආවරණය වන පෙදෙස නිතර උණුසුම් ජලයෙන්  සෝදා පවිත්‍ර කළ යුතුයි.

• අලුත් ඇඳුම් බබාට ඇන්දවීමට පෙර සෝදා පවිත්‍ර කළ යුතුයි. බබාගේ ඇඳුම් සහ නැප්කින් සේදීමේදී වඩා සැර නැති, මෘදු සේදීම් කුඩු වර්ගයක් සමඟ උණුසුම් ජලය  භාවිතා කළ යුතුයි.

• ඔබේ බබාගේ සම ඉතා වියළි නම්, ළමා වෛද්‍යවරයාගේ උපදෙස් අනුව මෘදු ආලේපනයක් බබාගේ සම මත ආලේප කරන්න

• බබාගේ ඩයපර් තෙමී ඇති විට, වහාම එය ඉවත් කර, පිරිසුදු ඩයපරයක් අන්දවන්න. අපිරිසිදු ඩයපර් මගින් සමේ දද, කුෂ්ඨ ආදිය ඇතිවේ. 

• සෑමවිටම ඩයපර් මාරු කරන විට, බබාගේ එම ප්‍රදේශය උණුසුම් වතුරෙන් සෝදන්න.

• වියළි කාලගුණයක් පවතින විට, බබාට ඉතා සිනිඳු, පහසු ඇඳුම් ඇන්දවිය යුතුය. එසේ නැතහොත්, දහඩිය නිසා, බබාට දහඩිය බිබිලි ඇතිවිය හැක.

නොකළ යුතු දේ :

• බබාව නිතර නාවන්න එපා. . එවිට බබාගේ සම ආරක්ෂා කරන ස්වභාවිකව පවතින තෙල් ගතිය ඉවත් වී සම දද, කුෂ්ඨ වැනි දේ වැළඳ ගැනීමට ඇති ඉඩකඩ වැඩි වේ.  

• බබාට මුල් මාස කීපය තුළ බබාලාට විශේෂයෙන් නිෂ්පාදිත සබන්, ක්‍රීම් වැනිදේ භාවිතා කරන්නඑපා. එයට හේතුව වන්නේ බබාගේ විෂබීජ වලට විරුද්ධව සටන්  කරන ප්‍රතිශක්තිකරණ පද්ධතිය තවමත් දියුණු වෙමින් පැවතෙන බැවිනි.

• බබාට ඩයපර් නිසා සෑදෙන කුෂ්ඨ රෝගයක් වැළඳී තිබේ නම්, එම ප්‍රදේශය තදින් අතුල්ලන්න එපා.

• සුවඳ විලවුන්, දහඩිය මකන නොයෙකුත් නිෂ්පාදිත ද්‍රව්‍ය සහ සැර සබන් වර්ග භාවිතා කිරීම අළුත උපන් බිළිඳුන්ට යෝග්‍ය නොවේ.

• දහඩිය බිබිලි වලට වෙළඳ පොළේ ඇතිනොයෙකුත් නිෂ්පාදිත ක්‍රීම් වර්ග නුසුදුසුය.

කෙසේ නමුත්, ශ්‍රී ලාංකික මව්වරුන්ට ඉතාම හොඳ අවවාදය නම්, අළුත උපන් බිලිඳුන් සඳහා විශේෂයෙන් පිළියෙළ කළ මෘදු සුවඳ වර්ග, ෂැම්පු වර්ග, ස්නානය සඳහා භාවිතා කරන ජෙල් වර්ග, ලෝෂන් ආදී දේ පමණක් භාවිතා කරන්න.  ඒ සෑම ද්‍රව්‍යක්ම භාවිතා කිරීමෙන් අනතුරුව බබාට යම් ආසාදිත තත්ත්වයක් ඇති වේදැ’යි ඉතා සුපරීක්ෂාකාරී වන්න.

ශ්‍රී ලංකාවේ  පවතින නිවර්තන කලාපීය දේශගුණය හේතුවෙන්, අළුත උපන් බිළිඳුන්ගේ සම වියළී යාමට ඇති ඉඩකඩ වැඩි බැවින්, මව්වරුන් ඒ පිළිබඳව ඉතා අවධානයෙන් සිටිය යුතු වේ.  ඝනකමින් වැඩි  ක්‍රීම් වර්ග සහ ආලේපන බබාලාගේ සම මෘදුව තැබීම සඳහා උපකාරී වේ.

KEYWORDS :
#babyskin #babyskincare #newbornbaby #babyskincream #babycream #babyarticle #sinhalababyarticleinsrilanka #sinhalaarticle #newbabyskincarearticle

The post බබාගේ සම රැකගන්නේ කොහොමද? appeared first on mummypages.lk-Pregnancy and Parenting.

පළතුරු සහ එළවළු සමග සමබර ආහාර වේලක් ලබාදීම, ගෙදර දොර කටයුතු වලදි නිරන්තරයෙන් අත් සේදීම, ස්නානය, රාජකාරි සඳහා නිවසින් බැහැරව යන දෙමාපියන් නැවත නිවසට පැමිණි විට දරුවන් ළඟට ගැනීමට පෙර පිරිසිදු වීම, නිවසේ අයෙකුට වෛරසය ආසාදනය වූ විට නිතර හොඳින් සබන් ගා අත් සේදීම හා කිවිසුම් යන විට බිඳිති විසිරීම වැළැක්වීම සඳහා මුඛ ආවරණයක භාවිත කිරීම. එසේම මව්කිරි දෙන මවකට ආසාදනය ඇති වූ විට අනිවාර්යයෙන්ම මව්කිරි දෙන අවස්ථාවේදී මුඛ ආවරණයක් භාවිත කිරීම.පෙර සඳහන් කළ පරිදිම, තද උණ සමග ඇතිවන සෙම්ප්‍රතිශ්‍යාව රෝග ලක්‍ෂණයක් පමණක් වන බැවින් ඒ සමග දරුවාගේ ඇතිවන උදාසීන බව, නොසන්සුන් බව, ආහාර ප්‍රතික්ෂේප කිරීම වැනි තත්ත්ව පවතින විටදී වෛද්‍යවරයක වෙත දරුවා යොමු කිරීම වැදගත්ය. උණ යනු අප හැමෝම දන්නා පරිදි සිරුර තුළ පවතින යම් රෝග තත්ත්වයක පෙන්නුම් කිරීම උදෙසා ශරීර උෂ්ණත්වය ඉහළ නැංවීමකි. එනම් උණ යනු රෝග ලක්‍ෂණයකි.

ඔබේ ගැටලුත් අපට එවන්න

#babyheath #babyhealthcare #babyfever #babyarticle #srilankasinhalaarticle

The post උණ හා සෙම්ප්‍රතිශ්‍යාව වැළඳීමෙන් දරුවා ආරක්ෂා කරගැනීමට කළයුත්තේ කුමක්ද? appeared first on mummypages.lk-Pregnancy and Parenting.